تايلاندتىڭ رايونگ قالاسىندا ۇيىمداستىرىلعان تاس جولداعى ۆەلوسپورتتان ازيا چەمپيوناتى ءوز مارەسىنە جەتتى. ءبىر اپتاعا جالعاسقان بايراقتى باسەكەدە جەرلەستەرىمىز 15 مەدال (8 التىن, 4 كۇمىس جانە 3 قولا) ولجالاپ, جالپىكوماندالىق ەسەپتە توپ جاردى.
سارى قۇرلىق دوداسىنىڭ سوڭعى كۇنىندە ۆەلوشاباندوزدار 156 شاقىرىم جولدا جارىستى. اتالعان قاشىقتىقتى ءبىرىنشى بولىپ وتانداستارىمىز گلەب برۋسەنسكي مەن ەۆگەني گيديچ باعىندىردى. برۋسەنسكي باس جۇلدەنى ەنشىلەسە, گيديچ كۇمىس مەدالعا قول جەتكىزدى. ال ۇزدىك ۇشتىكتى جاپونيالىق ۆەلوشاباندوز يۋكيا اراشيرو تۇيىندەدى.
رايونگتاعى سارى قۇرلىق باسەكەسىندە ازيانىڭ 27 ەلىنەن كەلگەن 700-گە جۋىق ۆەلوشاباندوز ەرەسەكتەر اراسىنداعى ءححححىى, جاستار اراسىنداعى ءححىح, ءحى پارا ازيا چەمپيوناتىندا سىنعا ءتۇستى. تاعى ءبىر ايتا كەتەرلىگى, ۆەلوشاباندوزدار بۇل ازيا چەمپيوناتىندا پاريج وليمپياداسىنا جولداما بەرەتىن قاجەتتى رەيتينگتىك ۇپايلارىن يەلەندى.