پرەمەر-مينيستر ءاليحان سمايىلوۆ اباي وبلىسىنداعى جاعدايعا بايلانىستى جەدەل كەڭەستە «قازاقستان حالقىنا» قورىنان 7 ملن تەڭگەدەن, سونداي-اق كامەلەتكە تولماعان ءار بالاعا 2 ملن تەڭگەدەن تولەنەتىنىن ايتتى. سونداي-اق قازا تاپقان ازاماتتاردىڭ وتباسىنا قوسىمشا قولداۋ شارالارى كورسەتىلەتىن بولادى, دەپ حابارلايدى Egemen.kz.
1) وتباسىنىڭ ەڭبەككە جارامسىز بارلىق مۇشەسىنە (كامەلەتكە تولماعان بالالارعا) رەسپۋبليكالىق بيۋدجەتتەن اسىراۋشىسىنان ايىرىلۋ بويىنشا جاردەماقى;
2) وتباسىنىڭ ەڭبەككە جارامسىز بارلىق مۇشەسىنە مەملەكەتتىك الەۋمەتتىك ساقتاندىرۋ قورىنان اسىراۋشىسىنان ايىرىلۋ بويىنشا بىرجولعى الەۋمەتتىك تولەماقى;
3) قاجەتتى جيھازبەن جابدىقتالعان تۇرعىن ۇيمەن قامتاماسىز ەتۋ;
4) بجزق-دان جەرلەۋگە ارنالعان بىرجولعى تولەم.
سونداي-اق نەسيەلەردى ەسەپتەن شىعارۋ ءۇشىن قايتىس بولعان ادامدار مەن ولاردىڭ وتباسىلارىنىڭ قانشا نەسيەسى بار ەكەنى انىقتالادى.