ورشىگەن ەسىرتكى ساۋداسى

وبلىستىق پوليتسيا دەپارتا­مەن­­تى ەسىرتكى بيز­نە­­سىنە قارسى كۇ­رەس باسقار­ما­سى­نىڭ قىزمەتكەر­لەرى كۇدىك­تىلەردى «پەتروپاۆل-استانا» اۆتوجولىندا ۇستادى. پەت­­رو­پاۆل­دان استاناعا قاراي ىز­عىت­قان «Volkswagen Passat» كو­لىگى پو­لي­تسيانىڭ توق­تا دەگەن بەل­گىسىن كور­مەگەن بولىپ, ءجۇ­­رىسىن جال­عاس­تىرا بەر­گەن. بىراق كولىك اق­قا­يىڭ اۋدا­نى­نىڭ اۋماعىنداعى استراحان اۋىلىنىڭ تۇبىندە ءبا­رى­بىر توق­­تاتىلدى. كولىك سالونىندا 29 جانە 30 جاستاعى ەكى پەترو­پاۆل­دىق بولعان. پوليتسيا ەكە­ۋىن دە سىرت­­قا شىعارىپ, قول­دارىنا كىسەن سال­­عاننان كەيىن ءاۆتوموبيلدىڭ باگاجىن تەك­سە­رەدى. باگاجدى اشقاندا 5 قاپ­­قا سالىنعان شوپتەن جاسال­عان زات­تاردىڭ ءيىسى اڭقىپ قويا بەر­گەن. ارتىنان ساراپتاما قورى­تىن­دى­­سى قاپ­تارداعى ءشوپتىڭ سالماعى 128 كگ-عا تەڭ ماريحۋانا ەكەنىن انىقتاپ بەرگەن.

ۇستالعانداردىڭ ءبىرى – 29 جاس­­تاعى جىگىت بۇرىن دا ەسىرت­كى تا­سى­مالداعانى ءۇشىن قىل­مىستىق جازاعا تارتىلىپ, سوتتى بولعان. كۇدىكتىنىڭ ءۇيىن, قورا-قوپسىسىن تەكسەرگەندە تاعى دا 200 كگ ماريحۋانا مەن 21 كگ 300 گرامم گاشيش تابىلعان. بار­­لىق ەسىرتكىنىڭ سالماعى 464 كيلوگرام­عا جەتكەن. ءبىر ايتا كەتەرلىگى, بۇ­رىن ماريحۋانا وڭتۇستىكتەن سولتۇستىك­كە تاسىمالدانۋشى ەدى, ەندى كەرى­سىن­شە سولتۇستىكتەن وڭتۇستىككە تا­سىلا باستاعان. مۇنىڭ ءبىر ءمانى بار. بۇل ەسىرتكىنى تۇتىنۋشىلار استانا ماڭىندا كوبەيە تۇسكەنىن دە كورسەتەدى.

سولتۇستىك قازاقستان وبلىسى پوليتسيا دەپارتا­مەن­تى باستىعى­نىڭ ورىنباسارى, پولكوۆنيك رۋس­لان­ نازاروۆ قازىر ەكى كۇدىكتىنىڭ قا­ماۋعا الىنىپ, بۇل دەرەك بويىن­شا قىلمىستىق ءىس قوزعالعانىن جەت­­­كىزدى. پولكوۆ­نيكتىڭ ايتۋىنشا, جىل باسىنان بەرى وبلىس اۋماعىن­دا ەسىرتكى قىل­مىسىنا قاتىستى 44 كۇ­­دىكتى انىق­تالعان. ولار ەسىرتكىنىڭ زاڭ­سىز اينالىمى بويىنشا 68 قىل­­مىس جاساعان بولسا, ونىڭ 20-سى ەسىرتكى تاراتۋعا قاتىستى. وسى قىل­مىستاردى اشۋ بارىسىندا 22 كگ ءتۇرلى ەسىرتكى زات­تارى تار­كىلەنگەن. ونىڭ 800 گرامى سين­تەتيكالىق ەسىرتكى. مۇنىڭ بار­لىعى پەتروپاۆل اۋما­عىندا ەسىرت­كى اينالىمىنىڭ اۋقى­مى ءوسىپ كەلە جاتقاندىعىن كور­­سەتەدى. ال سوڭعى تاركىلەنگەن ­128 كگ ەسىرت­كى – ج ۇلىنقۇرتتىڭ شەك­تەن شىق­قاندىعىنىڭ ايعاعى.

وبلىستىق پوليتسيا دەپارتا­مەن­تى ەسىرتكى بيزنە­سىنە قارسى كۇرەس باسقارماسى­نىڭ باستىعى, پولي­تسيا پودپول­كوۆنيگى يۆان تەرزيدي وسىدان ەكى اي بۇ­رىن 15 ورىنعا جا­سان­دى ەسىرتكى ۇن­تاقتارىن تاس­تاپ كەتۋمەن اينالى­سىپ جۇر­گەن 21 جاس­تا­عى جىگىتتىڭ ۇستال­­عانىن ايتقان ەدى. «α-PvP» دەپ اتالاتىن سينتەتيكالىق ەسىرت­كىنى جاساۋشىلار ونى ينتەرنەت ارقىلى ساتىپ, اق ۇنتاقتى بەل­گىلى ورىندارعا تىعىپ كەتىپ وتىر­عان. بۇل دا – ەسىرتكى جاساۋ مەن تا­را­تۋ­دىڭ وڭىردە ء«بىر جولعا قو­يىل­عاندى­عىن» كورسەتەتىن فاكت. وسى­نىڭ ءبا­رىن ەسكەرە وتىرىپ سول­تۇستىك قازاق­ستان وبلىسىنىڭ پو­لي­تسياسى عانا ەمەس, ەسىرتكى بيزنە­سى­مەن رەس­پۋب­ليكا­لىق دەڭگەيدە كۇ­رە­­سەتىن ماماندار تىزە قوسىپ, جۇ­لىن­­قۇرتتىڭ ءتۇپ تامى­رىن قۇر­تۋعا ەرەكشە دەن قويۋ قاجەت.

سولتۇستىك قازاقستان وبلىسى