مەملەكەت باسشىسى قاسىم-جومارت توقاەۆ الاپات ءورتتىڭ سالدارىنان قازا تاپقان ازاماتتاردى ەسكە الۋ ءۇشىن 12 ماۋسىمدى جالپىۇلتتىق ازا تۇتۋ كۇنى دەپ جاريالادى. اباي وبلىسىنداعى ءورت كەزىندە 14 ادام قازا تاپتى, دەپ حابارلايدى Egemen.kz.
«وسى قايعىلى جاعدايعا كىنالىلەردىڭ ءبارى زاڭ بويىنشا جاۋاپقا تارتىلادى. دۇيسەنبى كۇنىن ەلىمىز بويىنشا جالپىۇلتتىق ازا تۇتۋ كۇنى دەپ جاريالادىم. ءبىز قازا تاپقان ازاماتتاردى ەسكە الامىز. سابىر ساقتاپ, بەكەم بولىڭىزدار», دەدى قاسىم-جومارت توقاەۆ.