مەرگەندەردىڭ مۇمكىندىگى قانداي؟

افيناداعى العاشقى الاماندا نىسانا كوزدەۋشىلەر بەس باع­دارلاما بويىنشا سىنعا تۇسسە, كەلەسى جىلى پاريجدە وتەتىن دودادا ەرلەر مەن ايەلدەر تاپانشا, مىلتىق جانە ستەند اتۋدى قوس­قاندا 15 باعدارلاما بويىنشا كىم مىقتىنى انىقتايدى. 1968 جىلعى مەحيكوداعى جازعى وليم­پيا ويىندارىنا دەيىن نىسانا كوزدەۋ جارىستارىنا تەك ەر سپورتشىلار قاتىسىپ كەلگەن بولسا, 1968 جىلدان باستاپ ايەل سپورت­شىلار دا باق سىناي باستادى.

پاريجگە 340 مەرگەن بارادى

پاريج وليمپياداسىنىڭ باعدارلاماسىنا بايلانىستى ەليسەي الابىنداعى باسەكەلەردە 340 سپورتشى (170 ەركەك, 170 ايەل) ونەر كورسەتەدى. ال وسىدان ەكى جىل بۇرىن ۇيىمداستىرىلعان توكيو وليمپياداسىنا 360 سپورت­شى قاتىسقان بولاتىن.

وزگە سپورت تۇرلەرىنە قارا­عاندا نىسانا كوزدەۋدە وليمپيا­دا جولدامالارى جەكەلەگەن سپورت­شىعا ەمەس, ەلدەرگە بەرى­لەدى. سونىمەن قاتار سپورتشىلار وليم­پياداعا قاتىسۋ ءۇشىن حا­لىق­ارالىق وليمپيادا كوميتە­تىنىڭ (حوك) مىناداي تالاپتارىنا ساي كەلۋى كەرەك.

ەڭ الدىمەن, بارلىق سپورتشى وليمپيادا جارعىسىن جانە باسقا دا وزەكتى ەرەجەلەردى ساقتاۋعا ءتيىس. سونىمەن قاتار نىسانا كوز­­دەۋشىلەر وليمپيادالىق رەيتينگكە قوسىلىپ, وليمپياداعا قاتىسۋدى جوسپارلاپ وتىرعان جا­­رىسى بويىنشا كەم دەگەندە ءبىر ۇپاي جيناۋى جانە حالىقارالىق نىسانا كوزدەۋ فەدەراتسياسىنىڭ (ISSF) قولداۋىمەن وتكەن كەم دەگەندە ەكى ىرىكتەۋ جارىسىنا قا­تىسۋى كەرەك. ال نىسانا كوز­دەۋ سپورتىنان ىرىكتەۋ جارىس­تارى 2022 جىلدىڭ 14 تامىزىندا باس­تالىپ, 2024 جىلدىڭ 9 ماۋ- س­ىمىن­دا مارەسىنە جەتەدى. وسى ۋاقىت ارالىعىندا سپورتشى­لار الەم چەمپيوناتتارى, حا­لىق­ارا­لىق جارىستار, قۇرلىق بىرىن­شى­لىك­تەرىنە قاتىسىپ, ۇپاي جينايدى.

جولدامالار قالاي بولىنەدى؟

بۇعان دەيىن جازعانىمىزداي, فرانتسيا وليمپيا ويىندارىن قابىلداۋشى مەملەكەت بولعان سوڭ ء«ۇش جولاقتى» ەلدىڭ سپورتشىلارى ءوز ەلىندەگى باسەكەلەرگە ىرىكتەۋسىز قاتىسادى. ياعني قا­زىردىڭ وزىندە فرانتسيالىق سپورت­­شىلاردىڭ ەنشىسىندە 12 جولداما بار. ولار ءار جەكەلەگەن باعدارلاما بويىنشا ەكى ادامنان (ەر جانە ايەل) قاتىسا الادى. دەگەنمەن بۇل – ازىرگە تەك قاعاز جۇزىندەگى عانا جولداما. ىرىكتەۋ كەزەڭدەرى اياقتالعان سوڭ حوك فرانتسيا سپورتشىلارىنىڭ جوعارىداعى تالاپتارعا ساي كە­لەتىن تەكسەرگەننەن كەيىن عانا وليم­پياداعا قاتىسۋعا رۇقسات بەرەدى. ەگەر تالاپتارعا سايكەس كەلمەسە, جولداما وزگە ەلدىڭ سپورت­شىلارىنا بۇيىرادى.

سونىمەن قاتار تاعى 16 جولداما ء(ار جىنىسقا 8 جولدامادان) ىرىكتەۋ كەزەڭى اياقتالعاننان كەيىن ۇشجاقتى كوميسسيانىڭ شەشىمىمەن ەڭ ۇزدىك ناتيجە كور­­سەتكەن ۇلتتىق وليمپيادا كومي­­تەتتەرىنە (ۇوك) ءبولىپ بەرىلەدى.

ال قالعان 312 جولداما (ايەل­دەر مەن ەرلەردىڭ ار­قاي­سى­سىنا 156 جولدامادان) جو­عارىدا ايتقانداي 2022 جىل­دىڭ 14 تامىزى مەن 2024 جىلدىڭ 9 ماۋسىمى ارالى­عىنداعى ىرىكتەۋ سايىستارىنا قاتىسقان سپورت­شىلارعا تاراتىلادى. ءار ۇوك ەڭ كوپ دەگەندە 24 جولداما (ايەلدەر مەن ەرلەردىڭ ارقايسىسىنا 12 جولدامادان) يەلىك ەتە الادى.

نىسانا كوزدەۋدىڭ ءار باعدار­لاماسى بويىنشا (ولار: پنەۆ­ماتيكالىق مىلتىقپەن وق اتۋ (10 مەتر, ايەلدەر, ەرلەر, ارالاس كوماندا), مىلتىقپەن ءۇش قالىپتان اتۋ (50 مەتر, ايەلدەر, ەرلەر), پنەۆماتيكالىق تاپانشا (10 مەتر, ايەلدەر, ەرلەر, ارالاس كوماندا), تاپانشا (25 مەتر, ايەلدەر), تەز اتاتىن تاپانشا (25 مەتر, ەرلەر), تراپ (ايەلدەر جانە ەرلەر) جانە ستەند اتۋ (ايەلدەر, ەرلەر, ارالاس كو­ماندا) ءار ۇوك ەڭ كوپ دەگەندە ەكى سپورتشى, ال كوماندالىق سايىستا ەكى كوماندا قاتىستىرا الادى.

جەكەلەي سايىستار ىرىكتەۋ كەزەڭى مەن فينالدان تۇرادى. فينالدا ەڭ جوعارى ورىنعا يە بولعان سپورتشىلار وزدەرىنىڭ ۇلتتىق وليمپيادا كوميتەتىنە ءبىر جولداما الىپ بەرەدى. ەگەر ISSF اياسىنداعى ىرىكتەۋ جارىس­تارىنا جولداماعا قول جەتكىزىپ قويعان سپورتشى قاتىسىپ, جو­عارى ورىندارعا يە بولسا, وندا وليمپيادا كۆوتاسى كەيىنگى ورىندا تۇرعان سپورتشىنىڭ ەلىنە بەرىلەدى. سونداي-اق ۇوك سول باعدارلاما بويىنشا مۇمكىن بولعان بارلىق جولدامانى الىپ قويعان بولسا, كۆوتانى كەلەسى ورىن­داعى سپورتشىنىڭ ۇوك-ءى يەلەنەدى.

سپورتشىلاردىڭ قورىتىندى رەيتينگى 2024 جىلدىڭ 9 ماۋ­سىمىندا جاريالاناتىنىن جو­عارىدا ايتتىق. ەگەر سپورتشى رەيتينگتە جوعارى ورىندا تۇرىپ, بىراق جولداما يەلەنە الماعان بولسا, حوك ءار ەلدىڭ جولدامالارىن قاراپ شىعىپ, ءار باعدارلاما بويىنشا تولىق وليمپيادالىق جولدامانى يەلەنبەگەن ەلدىڭ وكىلدەرىنە بەرەدى. مىسالى, پنەۆ­ماتيكالىق مىلتىقپەن وق اتۋ باعدارلاماسىندا ەلىمىزدىڭ ءبىر سپورتشىسى رەيتينگتە جوعا­رى ورىندا تۇرىپ, بىراق سول باع­دارلامادا ءبىزدىڭ قۇرامادا ءبىر عانا جولداما بولسا, جوعارىدا ەرەجە بويىنشا اۆتوماتتى تۇردە ەكىنشى كۆوتا رەتىندە قازاق­ستانعا تاعى ءبىر جولداما بەرىلەدى.

ال ارالاس كوماندالىق سايىس­تارعا تەك ىرىكتەۋ باسەكەلەرىندە ونەر كورسەتىپ, ۇپاي جيناعان سپورت­شىلار عانا قاتىسا الادى.

نىسانا كوزدەۋ بويىنشا وليمپيادالىق ىرىكتەۋ جارىستارى:

21 ماۋسىم – 2 شىلدە: ەۋروپا ويىندارى – 2023, پولشا

14-31 تامىز: الەم چەمپيوناتى, ازەربايجان

25 شىلدە – 6 تامىز: ەۋروپا چەمپيوناتى, اۋستريا

1-10 قازان: افريكا چەمپيوناتى, مىسىر

قازان: پانامەريكان ويىندارى – 2023, چيلي.

قازان: ازيا چەمپيوناتى, وڭتۇستىك كورەيا.

اقپان – ناۋرىز 2024: ەۋروپا چەمپيوناتى, ماجارستان.

اقپان 2024: ستەند اتۋدان ازيا چەمپيوناتى (وتەتىن جەرى بەلگىسىز).

ناۋرىز 2024: تاپانشا مەن مىلتىق اتۋدان ازيا چەمپيوناتى (وتەتىن جەرى بەلگىسىز).

ءساۋىر – مامىر 2024: ەۋروپالىق ىرىكتەۋ ءتۋرنيرى (وتەتىن جەرى بەلگىسىز).

ءساۋىر – مامىر 2024: ستەند اتۋدان ەۋروپا چەمپيوناتى (وتەتىن جەرى بەلگىسىز).

CAT XIV چەمپيوناتى 2024, ليما, پەرۋ