جاپونيانىڭ فۋكۋوكا قالاسىندا كاراتەدەن Premier League – Fukuoka 2023 حالىقارالىق ءتۋرنيرى اياقتالدى, دەپ حابارلايدى Egemen.kz سپورتتى دامىتۋ ديرەكتسياسىنىڭ ءباسپاسوز قىزمەتىنە سىلتەمە جاساپ.
پرەمەر-ليگا دوداسىنا الەمنىڭ 47 ەلىنەن 300-دەن استام سپورتشى قاتىستى.
قازاقستاننان ەل نامىسىن 25 كاراتەشى قورعادى. بۇل جارىستا تەك الەمدىك رەيتينگتىڭ العاشقى وتىزدىعىنا ەنگەن سپورتشىلار عانا باق سىنايدى.
سايىس قورىتىندىسى ناتيجەسىندە باتىس قازاقستان وبلىسىنىڭ تۋماسى دارحان تەمىراليەۆ 60 كەلىگە دەيىنگى سالماقتا كۇمىس جۇلدەگەر اتاندى. رينات مەرعاليەۆتىڭ شاكىرتى مالايزيالىق, سەربيالىق, جاپونيالىق, كۋۆەيتتىك, گەرمانيالىق قارسىلاستارىن ۇتىپ, فينالدا تاعى ءبىر جاپونيالىق سپورتشىعا عانا ەسە جىبەردى.