جاڭا سەناتور سايلاندى

سايلاۋ كۇنى ورتسايلاۋكومنىڭ ينتەرنەت-رەسۋرسى ارقىلى تاڭداۋشىلاردى تىركەۋدى جانە داۋىس بەرۋدىڭ الدىن الا قورىتىندىلارىن شىعارۋدى ونلاين بايقاۋ سەرۆيستەرى جۇمىس ىستەدى. وسىلايشا, سايلاۋ ۇدەرىسىنىڭ اشىقتىعى مەن جاريالىلىعى قامتاماسىز ەتىلدى. بۇل ۇدەرىس وسك اقپاراتتىق ارنالارى ارقىلى جەدەل جاريالاندى.

داۋىس بەرۋگە سولتۇستىك قازاقستان وبلىسى ءماسليحاتتارىنىڭ 193 دەپۋتاتىنان 180 دەپۋتات (93,26 پايىز) قاتىستى. سايلاۋ بيۋللەتەنىنە سەنات دەپۋتاتتىعىنا 2 كانديدات ەنگىزىلدى.

6 ماۋسىمدا وتكەن ورتسايلاۋكومنىڭ وتىرىسىندا «سولتۇستىك قازاقستان وبلىسىنان قازاقستان رەسپۋبليكاسى پارلامەنتى سەناتىنىڭ شىعىپ قال­عان دەپۋتاتىنىڭ ورنىنا 2023 جىلعى 2 ماۋسىمدا بولعان سايلاۋدىڭ قورىتىن­دىلارىن انىقتاۋ جانە جاريالاۋ تۋرالى» قاۋلى قابىلداندى.

«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭى­نىڭ 9, 12, 44 جانە 81-باپتارىنا سايكەس سولتۇستىك قازاقستان وبلىسىنان قازاقستان رەسپۋبليكاسى پارلامەنتى سەناتىنىڭ شىعىپ قالعان دەپۋتاتىنىڭ ورنىنا سايلاۋ جونىندەگى داۋىستاردى ساناۋ ناتيجەلەرى تۋرالى سولتۇستىك قازاقستان وبلىستىق سايلاۋ كوميسسياسى حاتتاماسىنىڭ نەگىزىندە سايلاۋدىڭ مىناداي قورىتىندىلارى بەلگىلەندى.

راۋزا يۆانوۆنا قاسەنوۆاعا داۋىس بەرۋگە قاتىسقان تاڭداۋشىلاردىڭ 39 داۋىسى بەرىلدى. اسەم قالاشبايقىزى راحمەتو­ۆاعا داۋىس بەرۋگە قاتىسقان تاڭداۋشى­لار­دىڭ 134 داۋىسى بەرىلدى. «بارىنە قارسى­مىن» بەلگىسى بار بيۋللە­تەن­دەردىڭ سانى – 6.

وسىلايشا, سولتۇستىك قازاقستان وبلى­سىنان قازاقستان رەسپۋبليكاسى پارلا­مەنتى سەناتىنىڭ دەپۋتاتى بولىپ اسەم قالاشبايقىزى راحمەتوۆا 2023 جىلى 14 قاڭتاردا سايلانعان پارلامەنت سەنا­تى دەپۋ­تاتتارىنىڭ وكىلەتتىك مەر­زىمىنە سايلاندى.

«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 44-بابىنا سايكەس سولتۇستىك قازاقستان وبلىسىنان قازاقستان رەسپۋبليكا­سى پارلامەنتى سەناتىنىڭ شىعىپ قال­عان دەپۋتاتىنىڭ ورنىنا 2023 جىلعى 2 ماۋ­سىمدا بولعان سايلاۋدىڭ قورى­­تىن­دىلارى تۋرالى وسك-نىڭ رەسمي حابارى بۇقارالىق اقپارات قۇرالدارىن­دا جاريالانادى.