پرەزيدەنت قاسىم-جومارت توقاەۆ ورتالىق ازيا مەملەكەتتەرى مەن ەۋروپالىق وداق باسشىلارىنىڭ ەكىنشى كەزدەسۋىنە قاتىسۋ ءۇشىن شولپان-اتا (قىرعىزستان) قالاسىنا جۇمىس ساپارىمەن باردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسىن اۋەجايدا مينيسترلەر كابينەتىنىڭ توراعاسى – قىرعىزستان پرەزيدەنتى اكىمشىلىگىنىڭ باسشىسى اقىلبەك جاپاروۆ قارسى الدى.
سامميتكە قاسىم-جومارت توقاەۆپەن قاتار ەۋروپالىق كەڭەستىڭ پرەزيدەنتى شارل ميشەل, قىرعىزستان پرەزيدەنتى سادىر جاپاروۆ, تاجىكستان پرەزيدەنتى ەمومالي راحمون, وزبەكستان پرەزيدەنتى شاۆكات ميرزيوەۆ جانە تۇرىكمەنستان مينيسترلەر كابينەتى توراعاسىنىڭ ورىنباسارى نۇرمۇحاممەت اماننەپەسوۆ قاتىسادى دەپ جوسپارلانىپ وتىر.