2014 جىلعى 10 ماۋسىم, استانا قالاسى
جالپى ءبىلىم بەرەتىن وقۋ ورىندارىندا 2014-2015 وقۋ جىلىنىڭ باستالۋى تۋرالى
قازاقستان رەسپۋبليكاسىنىڭ «ءبىلىم تۋرالى» 2007 جىلعى 27 شىلدەدەگى زاڭىنىڭ 5-بابىنىڭ 14) تارماقشاسىنا, قازاقستان رەسپۋبليكاسى ۇكىمەتىنىڭ 2012 جىلعى 23 تامىزداعى № 1080 قاۋلىسىمەن بەكىتىلگەن قازاقستان رەسپۋبليكاسى ورتا ءبىلىم بەرۋدىڭ (باستاۋىش, نەگىزگى ورتا, جالپى ورتا ءبىلىم بەرۋ) مەملەكەتتىك جالپىعا مىندەتتى ستاندارتىنىڭ 37-تارماعىنا سايكەس بۇيىرامىن:
1. مەنشىك نىساندارىنا جانە ۆەدومستۆولىق باعىنىستىلىعىنا قاراماستان, جالپى ءبىلىم بەرەتىن وقۋ ورىندارىندا 2014-2015 وقۋ جىلىنىڭ باستالۋ مەرزىمى 2014 جىلعى 1 قىركۇيەك بولىپ بەلگىلەنسىن.
وقۋ جىلىنىڭ ۇزاقتىعى مەكتەپالدى دايىندىق سىنىپتارىندا – 32 وقۋ اپتاسى, 1- سىنىپتاردا – 33 وقۋ اپتاسى, 2-11 (12)- سىنىپتاردا, 12 جىلدىق ءبىلىم بەرۋدىڭ 10,12-ەكسپەريمەنتتىك سىنىپتارىندا – 34 وقۋ اپتاسى.
وقۋ جىلى بارىسىنداعى كانيكۋلدار:
1) 1-11 (12) – سىنىپتاردا, 12 جىلدىق ءبىلىم بەرۋدىڭ 10,12-ەكسپەريمەنتتىك سىنىپتارىندا: كۇزگى كانيكۋل – 8 كۇن (2014 جىلعى 4-11 قاراشانى قوسا العاندا), قىسقى – 10 كۇن (2014 جىلعى 30 جەلتوقسان – 2015 جىلعى 8 قاڭتاردى قوسا العاندا), كوكتەمگى – 12 كۇن (2015 جىلعى 20-31 ناۋرىزدى قوسا العاندا);
2) مەكتەپالدى دايارلىق سىنىپتارىندا: كۇزگى كانيكۋل – 8 كۇن (2014 جىلعى 4-11 قاراشانى قوسا العاندا), قىسقى – 14 كۇن (2014 جىلعى 29 جەلتوقسان – 2015 جىلعى 11 قاڭتاردى قوسا العاندا), كوكتەمگى – 15 كۇن (2015 جىلعى 20 ناۋرىز - 3 ءساۋىردى قوسا العاندا);
3) مەكتەپالدى دايارلىق سىنىپتارى مەن 1- سىنىپتاردا: قوسىمشا كانيكۋل – 7 كۇن (2015 جىلعى 2-8 اقپاندى قوسا العاندا) مەرزىمىندە بەلگىلەنەدى.
2. 2014 جىلعى 1 قىركۇيەكتە بارلىق جالپى ءبىلىم بەرۋ ۇيىمدارىندا «قازاقستان جولى - 2050: ءبىر ماقسات, ءبىر مۇددە, ءبىر بولاشاق» تاقىرىبىندا سالتاناتتى جيىن وتكىزىلسىن.
3. مەكتەپكە دەيىنگى جانە ورتا ءبىلىم, اقپاراتتىق تەحنولوگيالار دەپارتامەنتى (ج.ا.جونتاەۆا):
1) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) مەملەكەتتىك تىركەۋدەن وتكەننەن كەيىن وسى بۇيرىقتىڭ بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ ۆيتسە-مينيستر ە.ن. يمانعاليەۆقا جۇكتەلسىن.
5. وسى بۇيرىق العاش رەت رەسمي جاريالانعان كۇنىنەن باستاپ قولدانىسقا ەنگىزىلەدى.
مينيستر ا. ءسارىنجىپوۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 4 شىلدەدەگى نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9562 بولىپ ەنگىزىلدى.