كيبەرسپورت - ونلاين سپورتتىڭ جاڭا ءداۋىرى

كيبەرسپورت ەۆوليۋتسياسى

كيبەرسپورت 1970 جىلداردىڭ باسىندا ستەنفورد ۋنيۆەرسيتەتىندە بەينە ويىندار جارىسى وتكەن كەزدە پايدا بولدى. الايدا, ول 1990-شى جىلدارى عانا ونلاين ويىندار پايدا بولعان ۋاقىتتا قارقىن الا باستادى. Quake, Counter-Strike جانە StarCraft سياقتى ويىندارعا قىزىعۋشىلىقتىڭ ارتۋى كيبەرسپورتتىڭ دامۋىنا ىقپال ەتتى. ينتەرنەت بايلانىسى جاقسارىپ, اعىندى پلاتفورمالار پايدا بولعان سايىن كيبەرسپورتتىڭ تانىمالدىعى دا كۇرت ءوستى, ءارى بۇل ونى رەسمي سپورت ءتۇرى رەتىندە تانىتتى.

كيبەرسپورت تۇرلەرى

ESports ويىنداردىڭ كەڭ سپەكترىن قامتيدى, ولاردىڭ ارقايسىسىنىڭ وزىندىك ەرەكشە فاناتتار بازاسى بار. تانىمال جانرلارعا FPS, MOBA, RTS جانە سپورتتىق سيمۋلياتورلار كىرەدى.

فاكتىلەر مەن زەرتتەۋلەر

Newzoo زەرتتەۋىنە سايكەس, 2023 جىلى الەمدىك كيبەرسپورت نارىعىنىڭ كىرىسى 1,1 ميلليارد دوللارعا جەتەدى. سونىمەن قاتار, كيبەرسپورتتىق ءىس-شارالاردىڭ كورەرمەنى دە ارتىپ كەلەدى. ماسەلەن, 2022 جىلى League Of Legends الەم چەمپيوناتىنىڭ فينالىن 100 ميلليوننان استام كورەرمەن تاماشالاعان. يورك ۋنيۆەرسيتەتىنىڭ زەرتتەۋى ستراتەگيالىق كيبەرسپورت ويىندارى سىني تۇرعىدان ويلاۋ داعدىلارىن دامىتاتىنىن, قول-كوزدى ۇيلەستىرۋدى جاقسارتاتىنىن جانە ءبىر ۋاقىتتا بىرنەشە فۋنكتسيانى ورىنداۋ قابىلەتىن ارتتىراتىنىن انىقتاعان.

قازىرگى الەمدەگى كيبەرسپورت

كيبەرسپورت تۇتاس الەمدە رەسمي سپورت ءتۇرى رەتىندە تىركەلگەن. قازىرگى كيبەرسپورت يندۋسترياسى ءىرى برەندتەرمەن, تانىمال ادامدارمەن جانە سپورتتىق ۇيىمدارمەن سەرىكتەستىك ورناتقان. ال ويىن تۋرنيرلەرى ESPN, BBC جانە Twitch سياقتى پلاتفورمالاردا كورسەتىلەدى, بۇل كيبەرسپورتتىڭ بۇكىل الەم بويىنشا تاڭىمالدىلىعىن دالەلدەيدى.

قازاقستانداعى كيبەرسپورت

قازاقستاننىڭ تانىمال كيبەرسپورت كوماندالارىنا Astana Dragons (Counter-Strike: Global Offensive), Noobz (Dota 2) جانە AVANGAR (Counter-Strike: Global Offensive) كىرەدى. بۇل كوماندالار ويىنشىلاردىڭ شەبەرلىگىن كورسەتە وتىرىپ, ەلىمىزدى ايتارلىقتاي جەتىستىكتەرگە جەتەلەدى.

قازاقستاننىڭ كاسىبي ويىنشىلارى الەمدىك كيبەرسپورت ارەناسىندا زور بەدەلگە يە ەكەنى دە جاسىرىن ەمەس. بەلگىلى ەسىمدەردىڭ قاتارىندا داۋرەن (Adren) قىستاۋباەۆ (Counter-Strike: Global Offensive), اباي (Hobbit) حاسەنوۆ (Counter-Strike: Global Offensive) بار.

ديدار سەرىكوۆ,

ل.ن. گۋميلەۆ اتىنداعى ەۇۋ ستۋدەنتى