4 ماۋسىمدا ەلىمىزدىڭ مەملەكەتتىك رامىزدەر كۇنى اتاپ وتىلەدى. مەرەكەگە وراي ەلوردادا «مەملەكەتتىك رامىزدەر – ۇلت ماقتانىشى» ونلاين-بايقاۋى ۇيىمداستىرىلادى, دەپ حابارلايدى Egemen.kz استانا اكىمدىگىنىڭ ءباسپاسوز قىزمەتىنە سىلتەمە جاساپ.
قازاقستاننىڭ مەملەكەتتىك رامىزدەرى كۇنىنە وراي ەلوردا اكىمدىگى «مەملەكەتتىك رامىزدەر – ۇلت ماقتانىشى» بايقاۋىن جاريالادى. قاتىسۋشىلار 29 مامىردان 1 ماۋسىمعا دەيىن Instagram-دا تۋدىڭ, ەلتاڭبانىڭ شىعارماشىلىق فوتوسۋرەتىن نەمەسە ءانۇراننىڭ ورىندالۋى تۋرالى ۆيدەو جاريالاۋى كەرەك. پاراقشا اشىق بولۋى كەرەك, ال پوستقا #مەملەكەتتىكرامىزدەرۇلتماقتانىشى حەشتەگى قويىلۋى ءتيىس. سونداي-اق @akimat__astana اككاۋنتىنا جازىلىپ, ونى جاريالانىمدا بەلگىلەۋ قاجەت.
جاريالانىمداردى قابىلداۋ 1 ماۋسىم كۇنى ساعات 23:59-دا اياقتالادى. جەڭىمپازدار ءۇش نوميناتسيا بويىنشا كونكۋرستىق كوميسسيانىڭ شەشىمىمەن انىقتالادى:
«قر تۋى بار ۇزدىك فوتو»; «قر ەلتاڭباسى بار ۇزدىك فوتو»; «قر ءانۇرانىن ۇزدىك ورىنداۋ».ۇزدىكتەر 4 ماۋسىم كۇنى استانا قالاسى اكىمدىگىنىڭ YouTube ارناسىندا كورسەتىلەتىن «ەل رامىزدەرى – ەركىندىك نىشانى» ونلاين-بەينەمارافونىندا جاريالانادى.