قازاقستاندىق فايتەر اسۋ الماباەۆ رەسەيلىك جۋرناليست يگور لازورنينگە بەرگەن سۇحباتىندا وتانداسى شاۆكات راحمونوۆ UFC-دەگى كەلەسى جەكپە-جەگىن قاشان وتكىزەتىنىن ايتتى, دەپ حابارلايدى Egemen.kz.
Vesti.kz حابارلاۋىنشا, رەسەيلىك جۋرناليست اسۋ الماباەۆقا «شاۆكات راحمونوۆتىڭ كىممەن ايقاسقانىن كورگىڭ كەلەدى؟» دەگەن ساۋال قويعان.
«شارشى الاڭعا كىمدى شىعارسا دا, ول سونىمەن جۇدىرىقتاسادى. كەز كەلگەن قارسىلاسپەن ايقاسا بەرەدى. شاۆكات تامىز ايىندا جۇدىرىقتاسقىسى كەلەدى. جاتتىعۋ جيىنىن وتكىزۋ وڭاي ەمەس. دايىندىق باستاعاندا مەنەدجەرلەر دە قوزعالادى, ليگا دا جۇمىس ىستەيدى, ال قارسىلاس ءبارىبىر تابىلادى. ءار ايقاستان كەيىن جاتتىعۋعا دەرەۋ كىرىسۋ ماڭىزدى», دەدى قازاقستاندىق فايتەر.
ەسكە سالايىق, شاۆكات راحمونوۆ سوڭعى رەت 4 ناۋرىز كۇنى لاس-ۆەگاستا جۇدىرىقتاسىپ, ءۇشىنشى راۋندتا امەريكالىق دجەفف ءنيلدى جەڭگەن ەدى.