ۇشقىشسىز باسقارىلاتىن «Skylark 1-LEX» اپپاراتى العاش رەت كوككە كوتەرىلدى. العاشقى سىناق اقتوبەدەگى تالعات بيگەلدينوۆ اتىنداعى اۋە قورعانىس كۇشتەرى ينستيتۋتىنىڭ اۋە ايلاعىندا ءوتتى, دەپ حابارلايدى Egemen.kz «Qazaqstan» ۇلتتىق ارناسىنا سىلتەمە جاساپ.
اتالمىش قوندىرعى اسكەري ماقساتتا قولدانىلادى. ناقتىراق ايتقاندا, ول ورتالىقتى كۇندىز دە, تۇندە دە ناقتى ۋاقىت رەجيمىندە بارلاۋ دەرەكتەرىمەن قامتاماسىز ەتۋگە ارنالعان. كۋرسانتتار جاڭا تەحنيكانىڭ مۇمكىندىكتەرىن ەكى جىل بويى زەرتتەپ, دۇرىس باسقارۋدى ۇيرەندى.
ۇشۋ اپپاراتىنىڭ قاناتى 3 مەترگە جەتەدى. سالماعى - 8 كيلوگرامم شاماسىندا, جىلدامدىعى ساعاتىنا 90 كيلومەترگە دەيىن جەتەدى. قوندىرعىنىڭ 3 ساعات بويى ۇزدىكسىز جۇمىس ىستەۋگە مۇمكىندىگى بار.
ايتا كەتسەك, بۇل اپپارات الەمنىڭ ونداعان ەلىنىڭ قورعانىس جۇيەسىندە قولدانىلادى.