پرەزيدەنت جوعارى ەۋرازيالىق ەكونوميكالىق كەڭەستىڭ (جەەك) ماسكەۋدە وتكەن كەزەكتى وتىرىسىنا قاتىستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
شاعىن فورماتتا وتكەن جيىنعا مەملەكەت باسشىسى قاسىم-جومارت توقاەۆپەن قاتار رەسەي فەدەراتسياسىنىڭ پرەزيدەنتى – جەەك توراعاسى ۆلاديمير پۋتين, ارمەنيا پرەمەر-ءمينيسترى نيكول پاشينيان, بەلارۋس پرەزيدەنتى الەكساندر لۋكاشەنكو, قىرعىزستان پرەزيدەنتى سادىر جاپاروۆ, سونداي-اق ەۋرازيا ەكونوميكالىق كوميسسيا القاسىنىڭ توراعاسى ميحايل مياسنيكوۆيچ قاتىستى.
جيىن بارىسىندا مەملەكەتتەر باسشىلارى ەۋرازيالىق ەكونوميكالىق وداقتىڭ قىزمەتى مەن دامۋ پەرسپەكتيۆالارىنا قاتىستى وزەكتى ماسەلەلەر جونىندە پىكىر الماستى.