مەملەكەت باسشىسى نۇرسۇلتان نازارباەۆ ەۋروپالىق كوميسسيانىڭ توراعاسى لاۋازىمىنا سايلانۋىنا بايلانىستى جان-كلود يۋنكەرگە قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
جەدەلحاتتا نۇرسۇلتان نازارباەۆ قازاقستان حالقى جانە جەكە ءوز اتىنان ج.-ك.يۋنكەردى ەۋروپالىق كوميسسيانىڭ توراعاسى لاۋازىمىنا سايلانۋىمەن قۇتتىقتاعان.
قازاقستان پرەزيدەنتى ليۋكسەمبۋرگ پرەمەر-مينيسترى قىزمەتىندەگى جانە ەۋروپالىق توپتاعى باسشىلىعى كەزىندە جيناعان ج.-ك.يۋنكەردىڭ مول ءتاجىريبەسى, ەۋروپا ماسەلەلەرىنە اسا جەتىكتىگى وعان ەۋروپالىق وداقتىڭ ورنىقتى دامۋىنا زور ۇلەسىن قوسۋىنا سەپتىگىن تيگىزەدى دەپ سەنەتىنىن ايتادى.
«ءسىزدىڭ 2008 جىلى استاناعا جانە مەنىڭ 2010 جىلى بريۋسسەلگە جاساعان ساپارلارىمىز بارىسىندا ارامىزدا ورنىققان ءوزارا تۇسىنىستىك پەن سەنىمگە نەگىزدەلگەن سىندارلى ديالوگتى جالعاستىرۋعا ءازىر ەكەنىمدى بىلدىرەمىن. قازاقستان مەن ەۋروپالىق وداق اراسىنداعى قارىم-قاتىناستار كەڭەيتىلگەن ارىپتەستىك پەن ىنتىماقتاستىق تۋرالى جاڭا كەلىسىم اياسىندا جاڭا ساپالى دەڭگەيگە كوتەرىلەدى دەپ ءۇمىت ارتامىن», دەلىنگەن جەدەلحاتتا.