قازاقستاندىق شاحماتشى ءبيبىسارا اسساۋباەۆا كيپر گران-ءپريىنىڭ ءتورتىنشى كەزەڭىندە اق فيگۋرالارمەن تاعى ءبىر قارسىلاسىنان باسىم ءتۇستى, دەپ حابارلايدى Egemen.kz.
بليتستەن ەكى دۇركىن الەم چەمپيونى ءبيبىسارا اساۋباەۆا وسى جارىستىڭ سەگىزىنشى تۋرىندا گرۋزين شاحماتشىسى بەللا حوتەناشۆيليدى جەڭدى. بۇل جەڭىستەن كەيىن قازاقستاندىق ويىنشى 4 ۇپاي جيناپ, تۋرنير كەستەسىندەگى ورنىن ءسال دە بولسا جاقسارتتى.
ءبيبىسارا گرۋزيا وكىلى نانا دزاگنيدزەمەن 7-8-ورىنداردى ءبولىسىپ تۇر. نيكوسيا ايەلدەر گران-ءپريىنىڭ فينالدىق كەزەڭىنە بارلىعى 12 شاحماتشى قاتىسادى, ولار ءبىر-بىرىمەن اينالمالى جۇيە بويىنشا وينايدى.
بۇگىن ءبيبىسارا اساۋباەۆا پولياك سپورتشىسى وليۆيا كيولباسامەن كەزدەسەدى.