بۇگىن تانىمال ءانشى ديماش قۇدايبەرگەننىڭ تۋعان كۇنى. ءانشى تۋعان كۇنىنە وراي تىڭدارماندارىنا سىي جاساپ, ء«ومىر» اتتى جاڭا كليپىن جارىققا شىعارعالى جاتىر. بۇل جاڭالىقپەن ديماش ءوزىنىڭ Instagram پاراقشاسىندا جازدى, دەپ حابارلايدى Egemen.kz.
تىڭدارماندارى ءانشىنى الەمنىڭ ءار قيىرىنان قۇتتىقتاپ, ىستىق لەبىزدەرىن ءبىلدىرىپ جاتىر.
دىنمۇحاممەد (ديماش) قۇدايبەرگەن قانات ۇلى 1994 جىلى 24 مامىردا اقتوبە قالاسىندا دۇنيەگە كەلگەن. اتا-اناسى قانات قۇدايبەرگەن ۇلى مەن سۆەتلانا ايتباەۆا قازاقستان رەسپۋبليكاسىنىڭ مادەنيەت قايراتكەرلەرى.
ديماش بالا كەزدەن ءتۇرلى ءان بايقاۋلارىنا قاتىسىپ, جۇلدەلى ورىندارعا يە بولعان. ۆيتەبسكتە وتكەن «سلاۆيان بازارى-2015» حالىقارالىق ءان بايقاۋى جاس ءانشىنىڭ باعىن اشتى. وتانداسىمىز كونكۋرستا باس جۇلدە يەلەندى.
وسىدان كەيىن جاس ورىنداۋشى ءبىر جىلداي قىتايدىڭ «مەن ءانشىمىن» جوباسىنا قاتىسىپ, تالانتىمەن كۇللى الەمدى تاڭعالدىرعان ەدى.