تۇرعىنداردىڭ الەۋمەتتىك-تۇرمىستىق ءال-اۋقاتىن جاقسارتۋدىڭ باستى تەتىگى – ينفراقۇرىلىمدى جاڭعىرتۋ. ماسەلەن, بيىل اتىراۋ قالاسىندا جول, تۇرعىن ءۇي ورامدارىندا اۋلالاردى جاڭارتۋ, جازعى سۋ قۇبىرىن جۇرگىزۋ سەكىلدى جۇمىستار قارقىن الدى.
اتىراۋ قالالىق تۇرعىن ءۇي-كوممۋنالدىق شارۋاشىلىعى جانە اۆتوكولىك جولدارى ءبولىمىنىڭ باسشىسى الىبەك مۇحانبەتاليەۆتىڭ مالىمەتىنشە, شاھارداعى جولدىڭ جاقسى جانە قاناعاتتانارلىق جاعدايىن 90%-عا جەتكىزۋ جوسپارلانىپ وتىر. وسىعان بايلانىستى جولدى قايتا جاڭعىرتۋ مەن سالۋ ءۇشىن رەسپۋبليكالىق, جەرگىلىكتى بيۋدجەتتەن 9,7 ملرد تەڭگە بولىنگەن.
«مۇنايلى شاھارداعى س.داتوۆ, ازاتتىق كوشەلەرىنىڭ, اتىراۋ-يندەر, اتىراۋ-دامبى, اتىراۋ-استراحان باعىتىنا شىعاتىن كۇرە جولداردىڭ شاھار اۋماعىنداعى بولىگى قايتا جاڭعىرتىلادى. بۇل ءۇشىن 4,2 ملرد تەڭگە قاراجات قاراستىرىلعان. ال ەركىنقالا, ەركىنقالا-2, راكۋش, المالى, تومارلى اۋىلدارى مەن «بالاۋسا» شاعىن اۋدانىندا, سونداي-اق بەيبارىس داڭعىلىنان اتىراۋ-استراحان باعىتىنداعى اۆتوكولىك جولىنا دەيىنگى ارالىعىنا جول سالىنادى. وعان 4,6 ملرد تەڭگە ءبولىنىپ وتىر. جاياۋ جۇرگىنشىلەرگە ارنالعان جولدى سالۋ ءۇشىن 892 ملن تەڭگە جۇمسالادى. شاھار ماڭىنداعى اتىراۋ, دامبى, اقساي, قايىرشاقتى, ەركىنقالا اۋىلدارىندا, اتىراۋ قالاسىندا, گەولوگ, جۇمىسكەر ەلدى مەكەندەرىندە جاياۋ جۇرگىنشى جولىن سالۋ كوزدەلدى», دەيدى ءا.مۇحانبەتاليەۆ.
ونىڭ ايتۋىنشا, م.اۋەزوۆ كوشەسى مەن زاروسلىي ەلدى مەكەنىندەگى جوبالارعا تۇزەتۋلەر ەنگىزىلىپ جاتىر. ال اتىراۋ-ەركىنقالا اۆتوكولىك جولى, ءابىلحايىر حان داڭعىلىنان جاستار كوشەسىنە دەيىنگى جول ارالىعى قايتا جاڭعىرتۋدان وتەدى. ءابىلحايىر حان مەن بەيبارىس داڭعىلىن ءبىر-بىرىمەن قوساتىن اۆتوكولىك جولىنىڭ جوباسى اشىق ەلەكتروندى كونكۋرسقا بەرىلگەن.
قالالىق تۇرعىن ءۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىم باسشىسىنىڭ ورىنباسارى باقتيار حاميدۋللاەۆتىڭ ايتۋىنشا, بىلتىر پاتەر يەلەرى كووپەراتيۆتەرى مەن تۇرعىنداردىڭ ۇسىنىسىنا سايكەس «100 اۋلانى اباتتاندىرۋ» جوباسى ازىرلەنگەن. بۇل جوبانى ىسكە اسىرۋ ماقساتىندا جەرگىلىكتى بيۋدجەتتەن 1 ملرد 37 ملن تەڭگە ءبولىنىپتى. اتالعان جوبانى «اتىراۋ كولىك» جشس, «ريگوليت» جسش, «Sheberbuid» جشس ىسكە اسىرادى. قازىر شاھاردىڭ ورتالىق كوشەلەرىندە, «بالىقشى», «اۆانگارد», «لەسحوز» جانە «الماگۇل» شاعىن اۋداندارىنداعى اۋلالاردى جاڭعىرتۋ جۇمىسى اتقارىلىپ جاتىر.
«بيىل اۋىلىشىلىك جانە جاياۋ جۇرگىنشىلەر جولى, بالالار ويىن الاڭدارى مەن سپورتتىق جاتتىعۋ, دوپ ويناۋ الاڭدارى جاڭارتىلادى. بۇل جۇمىستار الداعى قازان ايىنا دەيىن اياقتالىپ, قولدانىسقا بەرىلەدى. اتقارىلىپ جاتقان جۇمىستار قاتاڭ باقىلاۋعا الىندى. جىل سوڭىنا دەيىن تاعى دا 150 اۋلانى اباتتاندىرۋ جونىندە جاڭا جوبا ازىرلەنەدى. كەلەر جىلى قالاداعى اۋلالار مەن اۋىلىشىلىك جولدار 100% جاڭارتىلادى», دەپ ءمالىم ەتتى ب.حاميدۋللاەۆ.
اكىمدىكتىڭ ءباسپاسوز قىزمەتى ۇسىنعان اقپاراتقا قاراعاندا, ينفراقۇرىلىمدى جاڭعىرتاتىن وسىنداي جوبالاردىڭ قاتارىندا جازعى سۋ قۇبىرىن جۇرگىزۋ دە بار. مۇنداي جۇمىس وسى كەزگە دەيىن اتقارىلعان. ماسەلەن, بىلتىر دامبى ەلدى مەكەنىندەگى 3 كوشەگە, تاسقالا-1 اۋىلىندا ورتا مەكتەپ, بالاباقشا مەن ورتالىق كوشەگە 1 شاقىرىم سۋ قۇبىرى جۇرگىزىلگەن. سونداي-اق المالى اۋىلىندا 3,5 شاقىرىمدىق ورتالىق كوشە مەن مەكەمەلەردەگى تەمىر قۇبىرلار پلاستيك تۇرىنە اۋىستىرىلىپ, سۋ سوراتىن سورعى ورناتىلعان. ەركىنقالا اۋىلىنا 2 600 مەتر جازعى سۋ جۇيەسى جۇرگىزىلىپ, جايىق جاعاسىنا سۋ سورعى ستانسا ىسكە قوسىلعان.
ەندى بيىل دامبى اۋىلىنداعى 10 كوشەگە, امانگەلدى ەلدى مەكەنىندە 4 كوشە مەن 7 الەۋمەتتىك نىسانعا ۇزىندىعى 9 950 مەتردى قۇرايتىن قۇبىرلار تارتۋ ءۇشىن قاراجات ءبولىندى. ءدال وسىنداي جۇمىس المالى اۋىلىندا قايتا جالعاسادى. اۋىلدى تولىق قامتۋ ءۇشىن 19,4 شاقىرىمعا, بەرەكە ەلدى مەكەنىندەگى 3,5 شاقىرىمدى قۇرايتىن ورتالىق كوشەلەرگە جازعى سۋ قۇبىرىن جۇرگىزۋ ءۇشىن قاراجات ءبولىندى.
«قىزىلبالىق اۋىلىندا 4 مىڭ مەتر جازعى سۋ قۇبىرى جۇرگىزىلدى. سونىڭ ناتيجەسىندە جاڭا ساياباق, مەكتەپ پەن قوسىمشا 4 كوشە سۋ قۇبىرىمەن قامتىلدى. جالپى, اۋىلعا 11 مىڭ مەتر پلاستيكالىق قۇبىر سالىندى. سونىمەن قاتار قۇرمانعازى اۋىلىندا 1 100 مەتر ماگيسترالدىق جانە 700 مەتر پلاستيكالىق قۇبىر جۇرگىزىلىپ, سۋ سورعى ستانسا ورناتىلدى. قازىر بۇل اۋىلدا ترانسفورماتور ورناتۋ جۇمىسى جۇرگىزىلىپ جاتىر», دەپ حابارلادى اكىمدىكتىڭ ءباسپاسوز قىزمەتى.
سونداي-اق راكۋشا ەلدى مەكەنى مەن «بالاۋسا» شاعىن اۋدانىنا 9 090 مەتر جازعى سۋ قۇبىرى جەلىسىن تارتۋ باستالعان. وسى كەزگە دەيىن 5 شاقىرىمعا جۋىق قۇبىر تارتىلعان. تومارلى اۋىلىنداعى مەكتەپ, مادەنيەت ءۇيى مەن ورتالىق كوشەلەرگە 5 شاقىرىم, تالعايراڭ اۋىلىندا 2 شاقىرىم, بەسىكتى اۋىلىنداعى مەكتەپ پەن بالاباقشاعا 2 شاقىرىم, «كوكتەم» شاعىن اۋدانىنداعى ءبىلىم ورداسى مەن بوبەكجايعا 2 شاقىرىم سۋ قۇبىرى جۇرگىزىلىپ جاتىر. ناۋرىز ايىنان بەرى «ورلەۋ» شاعىن اۋدانىنداعى 21 شاقىرىمدى قۇرايتىن 10, «قاينار شاعىن اۋدانىنىڭ 7 كوشەسىنە جازعى سۋ جەلىسى تارتىلىپ جاتىر. اقساي, اقجار اۋىلدارىنا 5 شاقىرىمدىق جازعى سۋ جۇيەسىن جۇرگىزۋ ءۇشىن تەندەرلىك كونكۋرس جاريالاندى. «جۇلدىز» جانە «كوكتەم» شاعىن اۋداندارىنا جازعى سۋ قۇبىرىن تارتۋ ماقساتىندا ارنايى جوبا جاساقتاۋ قولعا الىنىپ وتىر.
اتىراۋ وبلىسى