قر پرەزيدەنتىنىڭ ءىس باسقارۋشىسى ا.دادەباەۆ مەكەمەدە تسيفرلىق ترانسفورماتسيا ءجۇرىپ جاتقانىن ايتتى, دەپ حابارلادى Egemen.kz.
ول بۇل تۋرالى ءوزىنىڭ تەلەگرام ارناسىندا حابارلادى.
«ىشكى بيزنەس پروتسەستەردى قايتا قاراپ, وڭتايلاندىرۋ پرەزيدەنتتىڭ مەملەكەتتىك سەكتوردى تسيفرلىق قۇرالدار ارقىلى دامىتۋ جونىندەگى تاپسىرماسىنا وراي جۇرگىزىلىپ جاتىر. زاماناۋي تەحنولوگيالار باسقارۋ پروتسەسىن بارىنشا اۆتوماتتاندىرۋعا, قىزمەتكەرلەردىڭ جاۋاپكەرشىلىگى مەن كاسىپورىندار جۇمىسىنىڭ تيىمدىلىگىن ارتتىرۋعا ىقپال ەتەتىنىن ءتۇسىنۋىمىز كەرەك. سونىمەن قاتار بۇل جوبا ۇجىمداعى قارىم-قاتىناستى جاقسارتىپ, جۇمىس ناتيجەسىنە دە وڭ اسەر ەتەدى», دەپ جازدى.
ا.دادەباەۆتىڭ ايتۋىنشا, جوباعا دايىندىق كەزەڭىندە الدىن-الا ساراپتاما جاسالىپ, بەس جۇزگە جۋىق مامان اراسىندا ساۋالناما جۇرگىزىلدى, وزگەرىستەردىڭ باعىت-باعدارى ايقىندالدى. وسىلايشا, تسيفرلىق ترانسفورماتسيا مەديتسينالىق قىزمەت, قۇرىلىس, اۋە تاسىمالى مەن اۆتوتاسىمال, ۇيىمداستىرۋ جانە ماتەريالدىق-تەحنيكالىق قىزمەت كورسەتۋ سىندى باعىتتاردى قامتىپ وتىر.
«سونداي-اق قۇجات اينالىمى, HR-پروتسەسس, بيۋدجەت قۇرۋ مەن قۇقىقتىق قولداۋ, ساتىپ الۋ, ستراتەگيالىق جوسپارلاۋ سياقتى باسقارۋ پروتسەستەرىن جەتىلدىرە ءتۇسۋ كوزدەلگەن. ترانسفورماتسيا ناتيجەسىندە ءوندىرىس پروتسەسىن ايتارلىقتاي وڭتايلاندىرۋدى, بيۋروكراتيانى بارىنشا ازايتۋدى, جانە جۇمىس ساپاسىن ودان ءارى جاقسارتۋدى مەجەلەپ وتىرمىز», دەپ جازدى پرەزيدەنتتىڭ ءىس باسقارۋشىسى.
قر پرەزيدەنتىنىڭ ءىس باسقارماسىنداعى تسيفرلىق ترانسفورماتسيا 2025 جىلى تولىق اياقتالۋعا ءتيىس. دەگەنمەن, وڭ وزگەرىستەر بيىلدىڭ وزىندە بايقالۋى ىقتيمال.