WBO تۇجىرىمى بويىنشا ورتا سالماقتاعى الەم چەمپيونى جانىبەك ءالىمحان ۇلى اتى اڭىزعا اينالعان امەريكالىق بوكسشى مۇحاممەد ءالي سياقتى تانىمال بولعىسى كەلەتىنى ايتتى, دەپ حابارلايدى Egemen.kz.
جانىبەك ءالىمحان ۇلى شارشى الاڭعا 13 مامىردا ورالاتىنى بەلگىلى بولدى. ول اقش-تاعى ستوكتون ارەناسىندا كانادا وكىلى ستيۆەن باتلەرمەن 12 راۋندتىق جەكپە-جەك وتكىزەدى.
«مەنىڭ ديۆيزيونىمداعى ءتورت بەلبەۋ دە مەنىكى بولۋى ءتيىس. بۇل - مەنىڭ ماقساتىم. مەن چارلومەن جۇدىرىقتاسقىم كەلەدى. بۇل جەكپە-جەكتى قالايمىن. ماعان مىقتى قارسىلاستار كەرەك. تانىمال بوكسشى بولۋدىڭ جالعىز جولى - وسى. مەن مۇحاممەد ءالي سياقتى تانىمال بولۋ ءۇشىن كەلدىم!», دەدى ءالىمحان ۇلى.
سونىمەن قاتار, ءالىمحان ۇلى مەكسيكالىق ساۋل كانەلو الۆارەسپەن نەمەسە رەسەيلىك دميتري بيۆولمەن ءبىر الاڭدا كەزدەسۋى ءۇشىن ەكىنشى ورتا سالماققا ءوتۋىن جوسپارلاپ وتىرعانىن ايتتى.
«كەلەسى جىلى چەمپيون بولسام, 168 فۋنتتا (سۋپەر ورتا سالماقتا) بوكستاسامىن. «كانەلو» - مەن ءۇشىن وڭاي جۇمىس. كانەلو عانا ەمەس, مەن بيۆولدى دا وڭاي جەڭە الامىن. مەن ءوزىمدى جاقسى بىلەمىن. ۋاقىتى كەلگەندە وزدەرىڭىز دە كورەسىزدەر», دەدى بوكسشى.