الماتىدا بوكستان ءوتىپ جاتقان «قازاقستان رەسپۋبليكاسى پرەزيدەنتىنىڭ كۋبوگى» IV حالىقارالىق ءتۋرنيرىنىڭ ءۇشىنشى كۇنى بەس سالماق دارەجەسىندە شيرەك فينالدىق جەكپە-جەكتەر ءوتىپ, جارتىلاي فينالدىق جۇپتار انىقتالدى.
وسى كۇنى 10 بوكسشىمىز 49, 52, 69, 81 كيلولارعا دەيىنگى جانە اسا اۋىر سالماقتا شارشى الاڭعا شىعىپ, ولاردىڭ توعىزى جەڭىسكە جەتتى. ەڭ جەڭىل سالماقتاعى الەم چەمپيونى ءبىرجان جاقىپوۆ, وليمپيادانىڭ كۇمىس ءجۇلدەگەرى ادىلبەك نيازىمبەتوۆ ءوزدەرىنىڭ بابىندا ەكەندەرىن كورسەتتى. ولار قارسىلاستارىن تەحنيكالىق نوكاۋتپەن جەڭسە, 69 كيلوداعى ساعادات راحمانقۇلوۆ تاجىريبەلى ازەربايجان بوكسشىسى تامەرلان ابدۋللاەۆتى نوكداۋنعا ءتۇسىردى.
بۇدان كەيىن ءىلياس سۇلەيمەنوۆ پەن كوماندا كاپيتانى دانيار ەلەۋسىنوۆ تە ايقىن باسىمدىقپەن جەڭىسكە جەتتى. ەكەۋى دە قارسىلاستارىن 3:0 ەسەبىمەن ۇتتى.
اۋىر سالماقتاعى الىپتارىمىز ەسە جىبەرگەن جوق. يۆان دىچكو وزبەكستاندىق ميرزوحيدجون ابدۋللاەۆتى, قامشىبەك قونقاباەۆ روستيسلاۆ ارحيپەنكونى (ۋكراينا) تىزە بۇكتىرىپ, جارتىلاي فينالعا شىقتى. وكىنىشكە قاراي, 81 كيلو سالماقتاعى نۇرداۋلەت جارمانوۆ وتانداستارىنىڭ جولىن جالعاستىرا المادى. ول ۋكراينا بوكسشىسى الەكساندر گانزۋليادان ءبىر ۇپاي ايىرماشىلىعىمەن جەڭىلىپ قالدى.
كەشە قالعان بەس سالماقتاعى وتانداستارىمىز قولعاپ ءتۇيىستىردى.
داستان كەنجالين,
«ەگەمەن قازاقستان».