وزبەكستان استاناسى تاشكەنت قالاسىندا بوكستان ەرلەر اراسىندا الەم چەمپيوناتى ءوتىپ جاتىر. بۇگىن قازاقستاندىق ساعىندىق توعامباي مەن ءساناتالى تولتاەۆ رينگكە شىعادى, دەپ حابارلايدى Egemen.kz قازاقپارات اگەنتتىگىنە سىلتەمە جاساپ.
استانا ۋاقىتىمەن ساعات 14:00-دە باستالاتىن كۇندىزگى سەسسيادا ساعىندىق توعامباي ونەر كورسەتەدى. قازاقستاندىق بوكسشى 86 كەلىگە دەيىنگى سالماقتا 1/16 فينالدا كونگو وكىلى ناتان نلاندۋ مبەليمەن شەبەرلىك بايقاسادى.
ال ساعات 19:00-دە باستالاتىن كەشكى سەسسيادا ءساناتالى تولتاەۆ 63,5 كەلىگە دەيىنگى سالماقتا 1/32 فينالدا باق سىنايدى. ونىڭ قارسىلاسى – يزرايلدىك احماد شتيۆي.
الەم چەمپيوناتى Qazsport تەلەارناسىنان تىكەلەي ەفيردە كورسەتىلەدى.
بۇعان دەيىن تالعات سىرىمبەتوۆ (60 كەلى) پەن ايبەك ورالباي (92 كەلى) تاشكەنتتە ءوتىپ جاتقان بوكستان الەم چەمپيوناتىن جەڭىسپەن باستاعانىن حابارلاعان ەدىك.