قازاقستاننىڭ شۆەتسياداعى ەلشىسى سەرگەي نۇرتاەۆ شۆەتسيا كورولدىگىنىڭ اۋىل شارۋاشىلىعى جانە ينفراقۇرىلىم مينيسترلىگىنىڭ ەۋرووداق ىستەرى جانە حالىقارالىق قاتىناستار حاتشىلىعىنىڭ باسشىسى – باس ديرەكتورى فرەدەريك الفەرمەن كەزدەسۋ وتكىزدى, دەپ حابارلايدى Egemen.kz.
اڭگىمەلەسۋ بارىسىندا تاراپتار اۋىل شارۋاشىلىعى سالاسىنداعى قازاقستاندىق-شۆەد ءوزارا ءىس-قيمىلىنىڭ جاي-كۇيى مەن دامۋ باعىتتارىن, اگروونەركاسىپتىك كەشەن سالاسىنداعى ءوزارا ءىس-قيمىل جونىندەگى بىرقاتار ماسەلەنى تالقىلادى.
قازاقستان ەلشىسى شۆەد ارىپتەسىنە ەلىمىزدەگى اگروونەركاسىپتىك كەشەندى دامىتۋ تۇجىرىمداماسى تۋرالى ايتىپ, وسى سەكتوردى دامىتۋدىڭ باسىم باعىتتارىن, سونداي-اق سالانىنىڭ مەملەكەتتىك قولداۋ شارالارى جانە قازاقستاندىق اۋىل شارۋاشىلىعىنىڭ ينۆەستيتسيالىق تارتىمدىلىعى تۋرالى اقپاراتپەن ءبولىستى. تاراپتار جەر جانە سۋ رەسۋرستارىن پايدالانۋدىڭ تيىمدىلىگىن ارتتىرۋ, ءوتىم نارىقتارىنىڭ قولجەتىمدىلىگى, سونداي-اق ەكسپورت پەن اگرارلىق عىلىمدى دامىتۋ, تەحنولوگيالار ترانسفەرتى ماسەلەلەرى جايىندا پىكىر الماستى.
كەزدەسۋ قورىتىندىسى بويىنشا تاراپتار ەكىجاقتى قاتىناستاردى ساپالى جاڭا دەڭگەيگە شىعارۋ ماقساتىندا تىعىز ءوزارا ءىس-قيمىل جاساۋعا كەلىسىپ, سونداي-اق ءوزارا ەكىجاقتى ءىسساپارلاردى جۇزەگە اسىرۋعا ۋاعدالاستى.