مەملەكەت باسشىسى قاسىم-جومارت توقاەۆتىڭ توراعالىعىمەن قازاقستان حالقى اسسامبلەياسىنىڭ «ادىلەتتى قازاقستان: بىرلىك, تۇراقتىلىق, دامۋ» اتتى ءحححىى سەسسياسىنىڭ وتىرىسى ءوتىپ جاتىر, دەپ حابارلايدى Egemen.kz.
ء«اربىر ازامات بىرلىكتى نىعايتۋ ءۇشىن قىزمەت ەتۋى كەرەك. بۇل قىزمەت ەشقاشان توقتامايدى, ۇزدىكسىز جالعاسا بەرەدى. ويتكەنى بىرلىك بولسا عانا, تىرلىك بولادى. ءبىز وسى مىزعىماس قاعيداعا ءاردايىم ادال بولۋىمىز كەرەك. تاتۋلىق پەن كەلىسىمنىڭ ەرەكشە ماڭىزدى ەكەنىن جۇرتتىڭ ءبارى بىردەي سەزىنبەۋى مۇمكىن», دەدى پرەزيدەنت.
بۇدان سوڭ, ول «اسسامبلەيانىڭ قاجەتى جوق» دەگەن كۇماندى پىكىرلەرگە جاۋاپ بەردى.
«كەيدە «اسسامبلەيانىڭ قاجەتى جوق» دەگەن ۇشقارى, ياعني كۇماندى پىكىرلەر ايتىلىپ جاتادى. شىن مانىندە, اسسامبلەيا – مەملەكەتتىلىگىمىزدىڭ ىرگەسىن بەكىتىپ تۇرعان باستى ينستيتۋت. ونىڭ ايتۋىنشا, قازاقستان حالقى اسسامبلەياسى – بىرلىگىمىزدى نىعايتۋعا قىزمەت ەتەتىن بىرەگەي قۇرىلىم. اسسامبلەيا قاسيەتتى قازاق جەرىن مەكەن ەتكەن بارشا ەتنوستى ۇيىستىرىپ وتىر. وندا ەڭبەك ەتىپ جۇرگەن ازاماتتاردى بىرلىكتىڭ ەلشىسى دەۋگە بولادى», دەدى مەملەكەت باسشىسى.