مەملەكەت باسشىسى قاسىم-جومارت توقاەۆتىڭ توراعالىعىمەن قازاقستان حالقى اسسامبلەياسىنىڭ «ادىلەتتى قازاقستان: بىرلىك, تۇراقتىلىق, دامۋ» اتتى ءحححىى سەسسياسىنىڭ وتىرىسى باستالدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
جيىندا مەملەكەت باسشىسى الداعى بىرلىك كۇنى تۋرالى ايتىپ, ونىڭ ماڭىزىنا توقتالدى. ءارى جىل سايىنعى وتەتىن جيىن جونىندە ءسوز قوزعادى.
«ەلىمىز جاقىندا قازاقستان حالقىنىڭ بىرلىگى كۇنىن اتاپ وتەدى. بۇل – ىرىس-ىنتىماقتى, تاتۋلىق پەن كەلىسىمدى دارىپتەيتىن مەيرام. قازاقستان ءۇشىن بۇل اسا ماڭىزدى مەرەكە. ەلىمىز بىرلىك كۇنىن مىندەتتى تۇردە اتاپ وتۋگە ءتيىس. سەبەبى قاسيەتتى وتانىمىزدىڭ ىرگەسى ءبۇتىن, تۇعىرى مىعىم بولسىن دەسەك, بىرلىگىمىز ارقاشان بەكەم بولۋى كەرەك. بۇل – انىق اقيقات.
اسسامبلەيانىڭ القالى جيىنىن جىل سايىن ەل بىرلىگى كۇنىنە وراي وتكىزۋ داستۇرگە اينالدى. بۇل سەسسيا – كوكتەم مەزگىلىندە مەملەكەتتىك دەڭگەيدە وتەتىن ەڭ اۋقىمدى ءىس-شارا. مۇندا ەلىمىز ءۇشىن وتە ماڭىزدى ۇسىنىستار ايتىلادى», دەدى قاسىم-جومارت كەمەل ۇلى.
سونداي-اق ول ەلىمىزدە وتكەن رەفەرەندۋم تۋرالى اتاپ ءوتتى.
«مەن بىلتىرعى سەسسيادا اتا زاڭىمىزعا وزگەرىستەردى رەفەرەندۋم ارقىلى ەنگىزۋ تۋرالى باستاما كوتەردىم. كوپ ۇزاماي حالقىمىز ءوزىنىڭ تاريحي تاڭداۋىن جاسادى. كونستيتۋتسياعا ەنگىزىلەتىن وزگەرىستەردى قولداپ داۋىس بەردى», دەدى پرەزيدەنت.