ءماجىلىس وتىرىسى كۋلۋارىندا قارجى نارىعىن دامىتۋ جانە رەتتەۋ اگەنتتىگىنىڭ ءتورايىمى ءمادينا ابىلقاسىموۆا ەكى ميكروقارجى ۇيىمى ەكىنشى دەڭگەيلى بانككە اينالۋعا نيەت بىلدىرگەنىن ايتتى, دەپ حابارلايدى Egemen.kz.
«قازىر ەلىمىزدە ەكىنشى دەڭگەيلى بانككە اينالۋعا نيەت بىلدىرگەن ەكى ءىرى ميكروقارجى ۇيىمى بار. ولار KMF جانە Solva ميكروقارجى ۇيىمدارى. ولاردا بانككە اينالۋعا مۇمكىندىك بەرەتىن كاپيتالدىڭ جەتكىلىكتى دەڭگەيى بار», دەدى م. ابىلقاسىموۆا.
وسى رەتتە ول جاڭا بانكتەردى اشۋ تالاپتارىن ىرىقتاندىرۋ ماقساتىندا قارجى نارىعىن رەتتەۋ جانە دامىتۋ اگەنتتىگى بانك جۇيەسى تۋرالى زاڭناماعا تۇزەتۋلەر ازىرلەگەنىن ايتتى. تۇزەتۋلەر قابىلدانعاننان كەيىن ەكىنشى دەڭگەيلى بانكتەردى اشۋعا نيەت بىلدىرەتىندەر كوبەيۋى مۇمكىن.