تەرىسكەيگە كوشۋگە نيەتتى

بۇل باعىتتا بيىل دا 6 727 كۆوتا بولىنگەن ەكەن. قونىس اۋدارۋشىلار ءۇشىن مەملەكەتتىك قولداۋ كورسەتەتىن اباي, اقمولا, قاراعاندى, قوستاناي, پاۆلودار, سولتۇستىك قازاقستان, ۇلى­تاۋ, شىعىس قازاقستان وبلىس­تارى بەلگىلەنگەن. بولىنگەن كۆوتا نەگىزىندە, جىل باسىنان بەرى تۇركىستان وبلىسىنان 34 وتباسى قونىس اۋدارعان. «قونىس اۋدارۋ» جارمەڭكەسى اياسىن­دا تۇرعىندارعا قونىس اۋدارعان جاع­داي­دا كورسەتىلەتىن الەۋمەتتىك كو­مەك­­تەر, كوشۋ شىعىندارىن وتەۋ باعدارلامالارى تۋرالى اقپاراتتىق-ءتۇسىندىرۋ جۇمىستارى جۇرگىزىلىپ, 4 ءوڭىر بويىنشا بارلىعى 3 934 بوس جۇمىس ورنى ۇسىنىلدى.

دەلەگاتسيا وكىلدەرىنىڭ ايتۋىنشا, سولتۇستىك قازاقستان, شىعىس قازاقستان, اباي جانە پاۆلودار وبلىس­تارىندا مەديتسينا, ءبىلىم, كولىك, ونەركاسىپ, قۇرىلىس, اۋىل شارۋاشىلىعى سالالارى جانە وزگە دە باعىتتار بويىنشا ماماندار تاپشى. جارمەڭكەدە وبلىس تۇرعىندارىنا ۇسىنىلعان سالالار بويىنشا سولتۇستىك ايماقتاردا تۇ­راقتى جۇمىسقا ورنالاسۋعا مۇم­كىن­دىك كوپ ەكەنى ايتىلدى. قونىس اۋدار­­عاندار جۇمىسپەن قامتىلۋىمەن قا­تار, اۋىل شارۋاشىلىعى جانە ەگىن شارۋاشىلىعىمەن اينالىسۋ ءۇشىن جەر الىپ, ءوز ىستەرىن اشا الادى. مۇنان بولەك, ازاماتتاردىڭ الەۋمەتتىك تۇر­مىس جاعدايىنا دا ەرەكشە ءمان بەرى­لىپ, ءتۇرلى قولداۋلار جاسالادى. ماسە­لەن, قونىس اۋدارۋعا وتباسىنىڭ ءاربىر مۇشەسىنە 70 اەك, ياعني 241 500 تەڭگە مولشەرىندە ماتەريالدىق كومەك بەرى­لە­دى. تۇرعىن ءۇيدى جالعا الۋ مەن كوم­مۋ­نالدىق قىزمەتتەر اقى تولەۋ جونىنەن شىعىستاردى وتەۋ بويىنشا اۋىلدىق جانە قالالىق جەرلەرگە قونىستانۋىنا قاراي كومەك كورسەتىلەدى.

ايتا كەتەلىك, «قۋاتتى وڭىرلەر – ەل دا­مۋىنىڭ درايۆەرى» جوباسى اياسىندا تۇركىستان وبلىسىنان جۇمىس كۇشى جەتىسپەيتىن سولتۇستىك ايماقتارعا 2015-2022 جىلدار ارالىعىندا 11 892 ادام كوشكەن. بىلتىر رەسپۋبليكا بويىنشا بولىنگەن 6 587 كۆوتانىڭ 32,3 پايىزى تۇركىستان وبلىسىندا يگەرىلىپ, 2021 ادام قونىس اۋدارعان بولاتىن.

تۇركىستان وبلىسى