پرەمەر-مينيستر ءاليحان سمايىلوۆ قازاقستاندىقتاردى ورازا ايت مەرەكەسىمەن قۇتتىقتادى, دەپ حابارلايدى Egemen.kz.
«قۇرمەتتى قازاقستاندىقتار!
سىزدەردى مۇسىلمان بالاسىنىڭ ۇلىق مەرەكەسى – ورازا ايتتىڭ باستالۋىمەن شىن جۇرەكتەن قۇتتىقتايمىن!
ورازا ايت مەيرامىندا حالقىمىز ءبىر-بىرىنە يگى تىلەكتەرىن ارناپ, مەيىرىم مەن قايىرىمدىلىقتىڭ شىنايى ۇلگىسىن كورسەتەدى. شاراپاتتى ايدا ساۋابى مول, ىزگىلىكتى ىستەرگە اتسالىسقان ادامدار كوپتىڭ قۇرمەتىنە بولەنەدى.
قاسيەتتى رامازاندا وتىز كۇن اۋىز بەكىتىپ, ورازا ۇستاعان جۇرتشىلىقتىڭ نيەتتەرى قابىل بولىپ, ەگەمەن ەلىمىزدىڭ بەرەكە-بىرلىگى ارتا بەرسىن.
قاستەرلى مەرەكەگە وراي سىزدەرگە مىقتى دەنساۋلىق, وتباسىلارىڭىزعا اماندىق, ەڭبەكتەرىڭىزگە تولايىم تابىس تىلەيمىن. ايت قابىل بولسىن!», دەلىنگەن قۇتتىقتاۋدا.