ومار ءشيپيننىڭ شاپانى

اقىننىڭ شاپانى مەن بور­كى قانشاما جىل وتسە دە جاقسى ساق­تالعان. كەيىنگى جاس­تارعا ومار ءشيپيننىڭ ەسىمى ونشا تانىس ەمەس. بىراق ونىڭ تا­ۋەلسىزدىكتى تۋ ەتكەن تۋىندىلارى ادەبيەتىمىزدەن ءوز ورنىن ويىپ العان.

اقىن 1916 جىلعى تور­عايداعى ۇلت-ازاتتىق كوتەرى­لىس­كە قاتى­سىپ, امانگەلدىنىڭ جەكە حاتشىسى بولعان. وسى وقي­عانىڭ بەل ورتاسىندا ءجۇ­رىپ, بىرقاتار شىعار­مانى ومىرگە اكەل­گەن. ماسەلەن, سول جىلدارى جا­زىلعان «ارمان», «1916 جىل», «امانگەلدىنىڭ ايباتى», «تورعاي سوعىسى» اتتى تولعاۋ­لارى ەل اراسىندا كەڭ تاراعان. بەلگىلى قالامگەر ساپابەك ءاسىپ: «1916 جىلعى ۇلت-ازاتتىق كوتەرىلىسىنىڭ پوەزيالىق پانوراماسىن العاش جاساعان اقىن», دەپ ايتىپتى. 1942 جىلى «امانگەلدى» اتتى داستانى كىتاپ بولىپ جارىق كوردى. سونداي-اق اقىننىڭ ۇلى اعارتۋشى ىبىراي التىن­سا­رين تۋرالى «ىبىراي», ءالى­بي جانگەلدين جايىندا ء«الي­داستان», ايەل تەڭدىگىن جىر­لا­عان «ماساتى قىز» جانە «قوي­شى كۇلەن», «جەتكىنشەك», «سى­بىزعى ءۇنى» داستاندارىندا حالقىمىزدىڭ باسىنان وتكەن اۋىر كەزەڭدەر ايشىقتى سۋرەتتەلگەن. ولاردى سىنشىلار ادەبيەت قازىناسىنا قوسىلعان سۇبەلى دۇنيەلەر دەپ باعالاعان.