ونلاين-تەكسەرۋ جۇيەسى مەملەكەتتىك قىزمەتكە ۇمىتكەرلەردىڭ تەستىلەۋ سەرتيفيكاتتارىنىڭ ءتۇپنۇسقالىلىعىن انىقتاۋعا مۇمكىندىك بەرەدى, دەپ حابارلادى مەملەكەتتىك قىزمەت ىستەرى اگەنتتىگىنىڭ ءباسپاسوز قىزمەتى.
ازاماتتاردىڭ مەملەكەتتىك ورگاندارداعى مەملەكەتتىك اكىمشىلىك لاۋازىمدارعا ورنالاسۋ ءۇشىن كونكۋرستارعا قاتىسۋ كەزىندەگى الاياقتىق جاعدايلارىن بولدىرماۋ ماقساتىندا سەرتيفيكاتتاردى ونلاين-تەكسەرۋ جۇيەسى ىسكە قوسىلدى. بۇل جۇيە اعىمداعى جىلدىڭ ناۋرىزىنان باستاپ جۇمىس ىستەپ كەلەدى.
اگەنتتىكتىڭ www.kyzmet.gov.kz سايتىندا, «تەستىلەۋ» ايدارىنىڭ «تەستىلەۋ ناتيجەلەرى» بولىمىنە ازاماتتىڭ جسن-ءىن ەنگىزگەندە ارنايى باعدارلاما ونىڭ ءتاا, تەستىلەۋدەن وتكەن كۇنىن, «وتتى/وتپەدى» دەگەن مارتەبەسىن, لاۋازىمنىڭ ساناتىن جانە تەست تاپسىرعان ءوڭىرىن كورسەتەدى.
مەملەكەتتىك قىزمەت ىستەرى اگەنتتىگى مەملەكەتتىك ورگانداردى وسى باعدارلامانىڭ جۇمىسى جونىندە حاباردار ەتتى.
مەملەكەتتىك ورگانداردىڭ پەرسونالدى باسقارۋ قىزمەتتەرى (كادر قىزمەتتەرى) وزدەرىنىڭ مىندەتتەرىن اتقارۋ بارىسىندا مەملەكەتتىك قىزمەت ىستەرى اگەنتتىگىنىڭ سايتى ارقىلى سەرتيفيكاتتىڭ تۇپنۇسقالىلىعىن تەكسەرۋگە مىندەتتى.