• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
پرەزيدەنت 19 ءساۋىر, 2023

جاڭاوزەندەگى جارىلىس سالدارىن جويۋ جۇمىستارىن تەزىرەك اياقتاۋ قاجەت - توقاەۆ

240 رەت
كورسەتىلدى

مەملەكەت باسشىسى ماڭعىستاۋ وبلىسىنىڭ اكىمى نۇرلان نوعاەۆتىڭ بايانداماسىنا قاتىستى پىكىر ءبىلدىردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

«جاڭاوزەندە بولعان جارىلىستىڭ سالدارىن جويۋ جۇمىستارىن تەز ارادا ءبىتىرۋ قاجەت. جالپى, جاڭاوزەن – مۇناي-گاز سالاسىنا عانا قاراپ وتىرعان مونوقالا. سول سەبەپتى, ءبىز ونى دامىتۋ ءۇشىن ارنايى كەشەندى جوسپار قابىلدادىق. وسى قۇجاتتى مەيلىنشە جۇزەگە اسىرۋ كەرەك. ۇكىمەت تە بۇل جۇمىسقا جاۋاپتى بولادى.

باتىستا, اسىرەسە, ماڭعىستاۋدا, جاستار كوبىنە مۇنايشى بولعىسى كەلەدى. بۇل – دۇرىس ەمەس. مۇناي قورى تاۋسىلعاندا ايماقتاعى احۋال ءتىپتى كۇردەلى بولىپ كەتۋى مۇمكىن. سوندىقتان جاستاردىڭ باسقا دا كاسىپتەردى يگەرۋىنە جاعداي جاساۋىمىز كەرەك. بۇل جۇمىستى ارنايى جوسپار بويىنشا اتقارۋ قاجەت», دەدى مەملەكەت باسشىسى.

وسى رەتتە ول ماڭعىستاۋ وبلىسىن دامىتۋ ىسىندە اقپاراتتىق تەحنولوگيالاردى قولدانۋعا بولاتىنىن ايتىپ ءوتتى.

«جالپى, ءبىز كوزى اشىق, ءبىلىمدى جاستاردى تاربيەلەۋىمىز كەرەك. وسكەلەڭ ۇرپاق كەلەشەككە سەنىممەن قاراۋى قاجەت. بۇل ۇلكەن جۇمىس. بۇل اكىمنىڭ, ۇكىمەتتىڭ قۇزىرىندا تۇراقتى تۇردە بولۋ كەرەك», دەدى پرەزيدەنت.

ەسكە سالايىق, 17 ءساۋىر كۇنى تاڭعى بەستەر شاماسىندا جاڭاوزەندەگى ەكى پودەزدى 12 پاتەرلى تۇرعىن ۇيدە گاز باللونى جارىلعان بولاتىن. ءبىر كىرەبەرىس قۇلاعاندا 11 ادام زارداپ شەككەن ەدى.

 

سوڭعى جاڭالىقتار