شۋ اۋدانى تولە بي اۋىلىنداعى قاراۋسىز قالعان زاۋىتتىڭ اۋماعىندا جەدەل-ىزدەستىرۋ ءىس-شارالارىن جۇرگىزۋ كەزىندە قارۋ-جاراق پەن وق-دارىلەر بار ورىن تابىلدى, دەپ حابارلايدى Egemen.kz Polisia.kz-كە سىلتەمە جاساپ.
پوليتسەيلەر قاڭتار وقيعاسى كەزىندە وبلىستىق پد قويماسىنان ۇرلانعان 9 مم كاليبرلى مر-446 تاپانشاسىن, سونداي-اق 16 كاليبرلى يج ءبىر وقپاندى اڭشىلىق مىلتىقتى, 16 كاليبرلى يج 18-ە ءبىر وقپاندى اڭشىلىق مىلتىقتى, 16 كاليبرلى يج 18 اڭشىلىق مىلتىقتى, ف-10 جاۋىنگەرلىك سىنىق گراناتانى, جارىق-شۋ گراناتانى, قورعانىس كەۋدەشەنى, 5,45ح39 مم كاليبرلى 200 پاتروندى تاركىلەدى.
«سوت-بالليستيكالىق ساراپتاما تاعايىندالدى. قازىر اتالعان دەرەك بويىنشا قر قك 287 - بابى 3-بولىگى بويىنشا سوتقا دەيىنگى تەرگەۋ امالدارى باستالدى», دەدى جامبىل وبلىسى پد ەققىب باستىعى ءالىم باجىقباەۆ.