جوبالارعا قىزىعۋشىلىق جوعارى

ديالوگ الانىندا بيزنەس وكىل­دەرىنە عالىمداردىڭ تىڭ 11 عىلىمي جوباسى ۇسىنىلدى. ونىڭ ىشىندە مۇناي سالاسىنان تۋريزمگە دەيىنگى جوبالار بار. سونداي-اق اۋىل شا­ر­ۋاشىلىعى سالاسى مەن تاماق ونەركاسىبىنە قاتىستى عىلىمي ازىرلەمەلەر دە تانىستىرىلدى. ءىس-شارانى وتكىزۋگە مۇرىندىق بولعان «عىلىم قورىنىڭ» ينۆەستيتسيا جانە جاڭا جوبالار دەپارتامەنتىنىڭ باسشىسى قۇر­مانعازى وماروۆ ەلىمىزدە عى­لىم مەن بيزنەس اراسىنداعى ىقپال­داستىق تومەن ەكەنىن العا تارتتى.

– ءبىزدىڭ قور عىلىم مەن بيزنەس اراسىنداعى ىقپالداستىقتى ارتتىرۋ ماقساتىندا بىلتىردان بەرى بىرقاتار ءىس-شارا ۇيىمداستىردى. ماسەلەن, وتكەن جىلى ءدال وسىن­داي ءتورت ديالوگ الاڭىن وتكىزدىك. ناتيجەسى جامان ەمەس. مىسالى, تەحنولوگيالاردى كوم­مەرتسيالاندىرۋ رەاكتورىندا 30-دان اسا جوبا ۇسىنىلسا, سونىڭ ىشىنەن بىرقاتار عىلىمي جوبانى ازىرلەگەن ۋنيۆەرسيتەتتەر مەن كاسىپكەرلەر اراسىندا كەلىسىمشارت جاسالدى. بۇل جوبالار وندىرىسكە «عىلىم قورى» تاراپىنان بولىنگەن گرانت نەمەسە بيزنەس وكىلدەرىنىڭ قاراجاتى ەسەبىنەن ەنگىزىلەدى. بيىل ەكىنشى رەت وتكىزىپ وتىرعان ءىس-شارانى عىلىم قىزمەتكەرلەرى كۇنىنە ارنادىق. بۇگىندە تەحنولوگيالاردى كوممەرتسيالاندىرۋ رەاكتورىنا بيزنەس وكىلدەرى تاراپىنان قىزىعۋشىلىق جوعارى. ءار كەزدەسۋىمىزگە قاتىسۋ ءۇشىن كاسىپ­كەرلەردەن وتىنىشتەر كوپ تۇسەدى, – دەدى قۇرمانعازى وماروۆ.

دەپارتامەنت باسشىسى الدا­عى ۋاقىتتا «عىلىم قورى» بۇل ءىس-شارانى ەلىمىزدىڭ بارلىق ايماعىندا وتكىزۋدى جوسپارلاپ وتىرعانىن جەتكىزدى. اتالعان باعىت بويىنشا وسى جىلدىڭ 6 ماۋ­سىمىندا س.اسفەندياروۆ اتىنداعى قازاق ۇلتتىق مەديتسي­نا­لىق ۋنيۆەرسيتەتىنىڭ فورۋمى اياسىندا وقۋ باعدارى بويىنشا سالالىق تەحنولوگيالاردى كوممەرتسيالاندىرۋ رەاكتورىن ۇيىمداستىرۋعا ۇسىنىس كەلىپ تۇسكەن.

ديالوگ الاڭىندا ءاربىر عا­لىم بيزنەس وكىلدەرىنە 3 مينۋت ىشىندە جوبالارى تۋرا­لى ايتىپ بەردى. ماسەلەن, ح.دوس­مۇحامەدوۆ اتىنداعى اتى­راۋ ۋنيۆەرسيتەتىندەگى «بيوتەح­نولو­گيا» ۇلتتىق عىلىمي ورتالى­عىنىڭ ديرەكتورى, پروفەسسور سوفيا ساعىندىقوۆا تۇيە سۇتى­نەن جاسالعان «سوفمايا» سۋسىنى تۋرالى باياندادى.

– بۇل سۋسىندى عىلىمي جە­تەك­شىم ەكەۋمىز بىرلەسىپ جاسا­دىق. سوندىقتان ونىڭ اتىن «سوفمايا» دەپ اتادىق. ەندىگى ماقساتىمىز – وسى سۋسىندى وندىرىسكە ەنگىزۋ. سوندىقتان بيزنەس سەرىكتەس ىزدەپ ءجۇرمىز. بۇل ءونىم قالاي پايدا بولدى, سونى ايتايىن. انام قانت ديابەتىمەن اۋىردى. سوعان تۇيە شۇباتىنىڭ كومەگى كوپ ءتيدى. شۇباتتى دا­يىن ينسۋلين دەپ ايتۋعا بولادى. بىراق تۇيە ءسۇتى ادامنىڭ ءىشىن قاتىرادى. مۇنى بولدىرماس ءۇشىن قىزىلشا شىرىنىن پايدالانۋ كەرەك. قىزىلشا, كەرىسىنشە ءىشتى جىبىتەدى. ال ەكەۋى بىرىككەندە جاقسى ەففەكت بەرەدى. قىسقاسى, بۇل سۋسىننىڭ قاسيەتى مول, – دەدى سوفيا ساعىندىقوۆا.

سونداي-اق «عىلىم قورى» ديالوگ الاڭىندا ۆيرتۋالدى تۋر ۇيىمداستىردى. سول ارقىلى كەز-كەلگەن قاتىسۋشىعا ءوزىن قى­زىق­تىرعان جوبامەن تانىسۋعا مۇمكىندىك تۋدى. ءىس-شاراعا 100-گە جۋىق عىلىم مەن بيزنەس وكىلى قاتىستى. اراسىندا حا­لىقارالىق ۇيىمدار مەن كوم­پانيالاردىڭ وكىلدەرى دە بار. وسى رەتتە عىلىم جانە جوعارى ءبىلىم ءمينيسترىنىڭ شەشىمىمەن «عىلىم قورىنا» ۇلتتىق ۇي­لەس­تىرۋ ورتالىعى مارتەبەسى بەرىل­گەنىن ايتا كەتەيىك.

ديالوگ الاڭىنىڭ قورىتىن­دىسى بويىنشا عىلىمي ۇيىم­دار مەن بيزنەس وكىلدەرى اراسىندا 6 جوبانى جۇزەگە اسىرۋ تۋرالى ۋاعدالاستىققا قول جەت­كىزىلدى.