جاڭاوزەن قالاسىنداعى 12 پاتەرلى 2 قاباتتى تۇرعىن ۇيدە گاز جارىلدى. بۇل تۋرالى توتەنشە جاعدايلار مينيسترلىگىنىڭ ءباسپاسوز قىزمەتى حابارلادى, دەپ جازادى Egemen.kz.
وقيعا بۇگىن استانا ۋاقىتىمەن تاڭعى ساعات 5 شاماسىندا بولعان. جاڭاوزەن قالاسىنداعى 2-ءشى شاعىن اۋداندا ەكى كىرەبەرىستەن تۇراتىن 12 پاتەرلى 2 قاباتتى تۇرعىن ۇيدە الدىن الا بولجام بويىنشا گاز جارىلعان. سالدارىنان 150 شارشى مەتر كىرەبەرىس قيراعان.
«وقيعا ورنىندا ءورت ورىن العان جوق. الدىن الا مالىمەت بويىنشا 11 ادام زارداپ شەككەن, ولار مەديتسينا قىزمەتكەرلەرىنە تاپسىرىلدى. بولعان وقيعانىڭ سەبەپ - سالدارى انىقتالىپ جاتىر», دەلىنگەن تجم حابارلاماسىندا.
وقيعا ورنىنداعى جەدەل ءۇيىندىنىڭ اراسىن اشۋ جۇمىستارىنا ماڭعىستاۋ وبلىسى تجد 50-دەن استام قۇتقارۋشى جانە كينولوگيالىق ەسەپتوپ, 10 بىرلىك تەحنيكا, جەدەل مەديتسينالىق كومەك جانە جەرگىلىكتى اتقارۋشى ورگاندار جۇمىلدىرىلعان.