جاستاردىڭ جاقسىلىق جارمەڭكەسى

ساتباەۆ قالاسىنىڭ سانجار سلانبەك ەسىمدى ءجاسوسپىرىمى ەكى ايدان بەرى تۇر­كيا­دا ەم قا­بىلداپ جاتىر. ول 2016 جىلى تۋعان. اۋىر ناۋ­قاسقا ۇشىراعان ونىڭ ەماقىسى دا اجەپتاۋىر سومانى قۇرايدى ەكەن.

جەكسەنبىدە قالانىڭ بەلسەندى جاس­تارى, جاس كاسىپكەرلەر مەن بلوگەرلەر سان­جار­عا جار­دەم­دەسۋ ماقساتىندا جار­مەڭكە وتكىزدى. ولار جار­مەڭكەگە قارا­پايىم كۇندەلىكتى تۇتىناتىن زاتتاردى ساتۋ­عا شىعارىپ, جينالعان قاراجاتتى سانجاردىڭ ەمىنە اۋداردى.

جارمەڭكەگە قالا اكىمى شاپاعات اۋباكىر ارنايى ات باسىن بۇرا كەلدى. «قالانى ارالاپ جۇرگەندە كوشە بويىنان جاستاردىڭ جارناماسىن كوزىم شالىپ قالعان ەدى. سوندىقتان از دا بولسا ۇلەسىمدى قوسايىن دەپ كەلدىم», دەگەن قالا باسشىسى بىرنەشە وقۋ قۇرالىن, ت.ب. زاتتار ساتىپ الدى. ول سول جەردە تۇرىپ تەلەفون ارقىلى سانجاردىڭ وزى­مەن سويلەسىپ, تەزىرەك ساۋىعىپ كەتۋىنە تىلەكتەستىگىن جەتكىزدى.

جاستاردىڭ جاقسىلىق جارمەڭكەسىندە 1 ملن تەڭگەدەن اسا قاراجات جينالىپتى. «كوپ تۇكىرسە – كول» دەگەن وسى.

ابدوللا داستانوۆ,

جۋرناليست

ۇلىتاۋ وبلىسى,

ساتباەۆ قالاسى