World Boxing News 2023 جىلدىڭ ءساۋىر ايىنداعى سالماق دارەجەسىنە قاراماستان (pound-for-pound) الەمنىڭ ەڭ ۇزدىك 50 بوكسشىسىنىڭ رەيتينگىن جاريالادى, دەپ حابارلايدى Egemen.kz Sports.kz سايتىنا سىلتەمە جاساپ.
ءتىزىمدى WBA, WBO جانە IBF تۇجىرىمدارى بويىنشا اۋىر سالماقتاعى الەم چەمپيونى ۋكراينالىق الەكساندر ۋسىك باستاپ تۇر.
رەيتينگكە قازاقستاندىق ەكى ورتا سالماقتاعى الەم چەمپيونى – IBO تيتۋلىنىڭ يەگەرى گەننادي گولوۆكين مەن WBO بەلبەۋىنىڭ يەگەرى جانىبەك ءالىمحان ۇلى ەندى. گولوۆكين 27-ءشى, ءالىمحان ۇلى 48-ءشى ورىنعا تابان تىرەدى.
WBN بويىنشا ەڭ جاقسى 10 P4P رەيتينگى كەلەسىدەي:
1. الەكساندر ۋسيك (ۋكراينا)
2. ناويا ينوۋە (جاپونيا)
3. ساۋل «كانەلو» الۆارەس (مەكسيكا)
4. كىشى ەررول سپەنس (اقش)
5. دميتري بيۆول (رەسەي)
6. دەۆين حەني (اقش)
7. تەرەنس كروۋفورد (اقش)
8. دجەرمەلل چارلو (اقش)
9. حۋان ەسترادا (مەكسيكا)
10. شاكۋر ستيۆەنسون (اقش)