بۇگىن الەۋمەتتىك جەلىلەردە بەلگىسىز ەر ادام الماتىداعى شولوحوۆ كوشەسىندەگى دۇكەندەردىڭ بىرىنە ايەلدىڭ باسى سالىنعان پاكەت تاستاپ كەتكەنى جونىندە اقپارات تارادى, دەپ حابارلايدى Egemen.kz.
الماتى قالاسىنىڭ پوليتسيا دەپارتامەنتى تاراتقان اقپاراتقا سايكەس, بۇگىن ساعات 08:42-دە 102 پۋلتىنە شولوحوۆ كوشەسىندە قاراۋسىز قالعان عيماراتتىڭ جانىنان ايەلدىڭ ءمايىتى تابىلعانى تۋرالى حابارلاما تۇسكەن. تەرگەۋ-جەدەل توبى وقيعا ورنىن تەكسەرىپ, ايەلدىڭ باسى كەسىلگەنىن انىقتادى.
«ونىڭ جەكە باسى انىقتالدى: 1976 جىلى تۋعان ازاماتشا, تۇراقتى تۇرعىلىقتى جەرى جوق, بۇرىن ەسىرتكى قىلمىسى ءۇشىن بىرنەشە رەت سوتتالعان», دەلىنگەن حابارلامادا.
پوليتسيا ءبىراز ۋاقىتتان كەيىن سول ماڭداعى ساۋدا ورىندارىنىڭ بىرىنەن ايەلدىڭ باسى تابىلعانىن مالىمدەدى.
قازىرگى ۋاقىتتا اتالعان دەرەك بويىنشا تۇركسىب اۋداندىق پوليتسيا باسقارماسى قر قك-ءنىڭ 99-بابى بويىنشا قىلمىستىق ءىس قوزعادى.