وقۋ-اعارتۋ مينيسترلىگىنىڭ مالىمەتىنشە, ەلىمىزدىڭ جەتى مىڭنان استام ءبىلىم بەرۋ ۇيىمدارىنىڭ وقۋشىلارى شاحماتتان چەللەندجگە قاتىستى, دەپ حابارلايدى Egemen.kz.
ويىن استانا ۋاقىتى بويىنشا ساعات 12:00-دە باستالدى. مۇنداي اۋقىمدى ءىس-شارا العاش رەت وتكىزىلىپ وتىر. شاحماتتان رەسپۋبليكالىق چەللەندجگە بارلىعى ميلليونعا جۋىق وقۋشى قاتىستى.
چەللەندج بالالارعا, جاسوسپىرىمدەرگە جانە پەداگوگتارعا وسى سپورت ءتۇرىنىڭ جاپپاي دامۋىن جانە وزدەرىنىڭ جارقىن جەتىستىكتەرىن كورسەتۋگە مۇمكىندىك بەرەدى.
چەللەندجدى باستاپ بەرگەن وقۋ-اعارتۋ ءمينيسترى زياتكەرلىك سپورت ءتۇرىنىڭ ماڭىزىن اتاپ ءوتتى.
ء«بىلىم بەرۋ ۇيىمدارىندا «مەكتەپتەگى شاحمات» جوباسى جۇزەگە اسىپ جاتىر. ءبىزدىڭ وسكەلەڭ ۇرپاقتىڭ وسى سپورت ءتۇرىن ۇيرەنۋگە قىزىعۋشىلىعى ارتىپ كەلە جاتقانى قۋانتادى. شاحمات ويناي وتىرىپ, اقىل-ويلارىڭىز دامىپ قانا قويماي, سىزدەر ەڭبەكقورلىق, تاباندىلىق پەن قايسارلىق قاسيەتتەرىن يگەرە الاسىزدار», دەدى مينيستر عاني بەيسەمباەۆ چەللەندج قاتىسۋشىلارىنا.