وسى اپتادا فۋتبولدان قازاقستان قۇراماسى وقۋ-جاتتىعۋ جيىندارىن باستادى. اپتانىڭ سوڭىنا دەيىن سوزىلاتىن جاتتىعۋ جيىندارىنا ۇلتتىق قۇرامانىڭ باس باپكەرى بەرند شتورك 26 فۋتبولشىنى, ونىڭ ىشىندە “توبىل” كومانداسىنىڭ كاپيتانى نۇربول جۇماسقاليەۆتى شاقىردى.
نۇربولدان باسقا نەمىس مامانى جاساقتاعان قۇرامانىڭ قاتارىندا “اقتوبە” كومانداسىندا وينايتىن, كەزىندە ماسكەۋدىڭ “سپارتاك” پەن “دينامو” كوماندالارىنىڭ قاقپاشىسى بولعان اندرەي سيدەلنيكوۆ, ودان باسقا وزىمىزدە ونەر كورسەتىپ ءجۇرگەن الەكساندر گريگورەنكو, الەكساندر كيروۆ, ميحايل روجكوۆ, سەرگەي ليسەنكوۆ, يليا ۆوروتنيكوۆ, دميتري شومكو سياقتى جاڭا ەسىمدەر بار.
قۇراماعا تولىق شاقىرىلعان فۋتبولشىلار ءتىزىمى تومەندەگىدەي:
قاقپاشىلار: الەكساندر موكين, (“ورداباسى”), الەكساندر گريگورەنكو (“شاحتەر”), اندرەي سيدەلنيكوۆ (“اقتوبە”).
قورعاۋشىلار: ميحايل روجكوۆ, الەكساندر كيروۆ ( “لوكوموتيۆ”), يليا ۆوروتنيكوۆ (“اتىراۋ”), يۋري لوگۆينەنكو (“اقتوبە”), فارحاتبەك ىرىسمەتوۆ (“توبىل”), دميتري شومكو (“ەرتىس”), الەكساندر كيسليتسىن (“شاحتەر”).
جارتىلاي قورعاۋشىلار: ۇلان قونىسباەۆ (“تاراز”), ازات نۇرعاليەۆ (“توبىل”), سەرگەي سكورىح (“شاحتەر”), جامبىل كوكەەۆ, ماكسيم ازوۆسكي (“لوكوموتيۆ”), اسلان داراباەۆ, كونستانتين گولوۆسكوي, اندرەي كارپوۆيچ ء(بارى دە “اقتوبە”)
شابۋىلشىلار: تاڭات نوسەرباەۆ, داۋرەنبەك تاجىمباەۆ, اندرەي فينونچەنكو (ۇشەۋى دە “شاحتەر”), نۇربول جۇماسقاليەۆ (“توبىل”), سەرگەي حيجنيچەنكو, سەرگەي وستاپەنكو (“لوكوموتيۆ”), ەۆگەني اۆەرچەنكو, سەرگەي ليسەنكوۆ (“اقتوبە”).
ال قازاقستان قۇراماسىنىڭ مامىر ايىنىڭ سوڭىندا جاريالانعان رەيتينگىسىنە كەلەر بولساق, بەرند شتورك جاتتىقتىراتىن ۇلتتىق قۇراما 2012 جىلعى الەم چەمپيوناتىنىڭ ىرىكتەۋ ءتۋرنيرى اياقتالعان كەزدەگى قوزعالماعان سول 129-شى ورنىندا تۇر. ءبىزدىڭ ەل ۋەفا-عا ءمۇشە ەلدەردىڭ ىشىنەن تەك اندوررادان (120), ليحتەنشتەيننەن (149), مالتادان (157) جانە سان-مارينودان (202) عانا جوعارى ورنالاسقان.
رەيتينگىنىڭ ەڭ جوعارى ساتىسىندا برازيليا ورنالاسسا, ەكىنشى يسپانيا, ءۇشىنشى ورىندا پورتۋگاليا قۇرامالارى جايعاسقان. ەندى ۇلتتىق قۇرامالاردىڭ كەلەسى رەيتينگى 14 شىلدەدە, الەم چەمپيوناتى اياقتالعاننان كەيىن ءۇش كۇن وتكەن سوڭ جاريالانادى.
داستان كەنجالين.