«وقجەتپەس» «اقسۋ» كومانداسىن ءىرى ەسەپپەن جەڭدى

اتالعان تۋرداعى العاشقى كەزدەسۋدە «وقجەتپەس» (كوكشەتاۋ) پەن «اقسۋ» (پاۆلودار وبلىسى) شەبەرلىك بايقاستى.

كەزدەسۋ بارىسىندا كوكشەتاۋلىق كلۋبتان سردجان ديميتروۆ 20, 60-مينۋتتاردا ەكى گولدىڭ اۆتورى اتانسا, ماكسيم دراچەنكو 77-مينۋتتا ەسەپتى ۇستەمەلەي ءتۇستى.

وسىلايشا كوكشەتاۋلىق كوماندا قارسىلاسىنان 3:0 ەسەبىمەن باسىم ءتۇستى.

«وقجەتپەس» ەكى تۋر قاتارىنان قارسىلاستارىن ءىرى ەسەپپەن جەڭىپ كەلەدى. وتكەن تۋردا ولار سىرت الاڭدا «اتىراۋدى» 4:0 ەسەبىمەن ءسۇرىندىردى.

ەندى 16:00-دە «قىزىلجار» (پەتروپاۆل) مەن «اتىراۋ», «ماقتاارال» (تۇركىستان وبلىسى) مەن «كاسپي» كلۋبتارى جاسىل الاڭعا شىعادى.

ال 20:00-دە «قايسار» (قىزىلوردا) مەن «شاحتيور» (قاراعاندى) وينايدى.

ال 9 ساۋىردە «قايرات» (الماتى) پەن «جەتىسۋ» (تالدىقورعان), «توبىل» (قوستاناي) مەن «استانا», «ورداباسى» (شىمكەنت) مەن «اقتوبە» كوماندالارى كەزدەسەدى.