الماتى قالالىق پد كوشى-قون قىزمەتىنىڭ مالىمەتىنشە, بيىلعى جىلدىڭ العاشقى ءۇش ايىندا قالاعا 21805 شەتەل ازاماتى كەلگەن. بۇل وتكەن جىلدىڭ سايكەس كەزەڭىمەن سالىستىرعاندا 2,5 ەسەگە كوپ, دەپ حابارلايدى Egemen.kz.
– كوشى-قون زاڭناماسىن بۇزۋشىلىقتاردى انىقتاۋ جانە زاڭسىز كوشى-قون ارنالارىن جويۋ بويىنشا تۇراقتى نەگىزدە جەدەل الدىن الۋ ءىس-شارالار جۇرگىزىلىپ جاتىر. جىل باسىنان بەرى 6472 ادام اكىمشىلىك جاۋاپكەرشىلىككە تارتىلسا, ونىڭ 1738-ءى شەتەل ازاماتى. اكىمشىلىك جولمەن 248 شەتەلدىك ەلدەن شىعارىلدى. پد-نىڭ قابىلداپ-تاراتۋ بولىمىنە جەكە باسىن كۋالاندىراتىن قۇجاتى جوق 365 شەتەل ازاماتى ورنالاستىرىلدى, – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
سونىمەن قاتار شەتەلدىك جۇمىس كۇشىن پايدالانۋ ەرەجەلەرىن بۇزعان 47 جۇمىس بەرۋشى اكىمشىلىك جاۋاپكەرشىلىككە تارتىلدى. جىل باسىنان بەرى زاڭسىز كوشى-قوننىڭ 11 ارناسى انىقتالدى.