جامبىل وبلىسىندا 200-دەن استام مۇعالىم 24 ميلليون تەڭگە كولەمىندە زاڭسىز جالاقى العان, دەپ حابارلايدى Egemen.kz.
زاڭسىز جالاقى اۋدارۋ فاكتىلەرى جامبىل وبلىسىنىڭ 6 بىردەي اۋدانىنان انىقتالىپ وتىر. زاڭسىز ارەكەتتەردىڭ باسىم بولىگى بايزاق اۋدانىندا تىركەلگەن. ونداعى 26 مەكتەپتىڭ 30-عا جۋىق مۇعالىمى وتكىزبەگەن دارىستەرى ءۇشىن 11 ميلليون 200 مىڭ تەڭگە جالاقى العان. ناتيجەسىندە, وسى ىسكە قاتىسى بار 253 ءبىلىم سالاسىنىڭ قىزمەتكەرى جاۋاپكەرشىلىككە تارتىلدى.
«50-دەن اسا مەكتەپ ديرەكتورى, 6 اۋداندىق ءبىلىم ءبولىمىنىڭ باسشىسى, 100-دەن اسا مەكتەپ ديرەكتورىنىڭ ورىنباسارلارى تارتىپتىك جاۋاپكەرشىلىككە تارتىلدى. ەڭ باستىسى, 24 ميلليون تەڭگە بيۋدجەتكە كەرى قايتارىلدى», دەپ ناقتىلادى وبلىس پروكۋرورىنىڭ اعا كومەكشىسى ەركىن قۋانىشەۆ.