جەر كەۋىپ, كۇن جىلىنىسىمەن قورشاعان ورتانى قوقىستان تازارتۋ جۇمىستارى قارقىن الاتىندىعى بەلگىلى. سونىڭ ارقاسىندا اۋىل-ايماقتىڭ ءسانى كىرىپ, اجارلانا تۇسەدى. وتكەن سەنبىدە كوكتەمگى ناۋقاندىق جۇمىسقا الماتى وبلىسىنىڭ جۇرتشىلىعى دا جۇمىلا كىرىستى.
– وبلىس كولەمىندە وتكىزىلگەن كەزەكتى سەنبىلىك جۇمىستارىنا 8 031 جەرگىلىكتى اتقارۋشى جانە ورتالىق مەملەكەتتىك ورگان قىزمەتكەرلەرى, 7 مىڭنان استام كاسىپورىن مەن ۇيىم وكىلدەرى, 1 767 ەرىكتى مەن 32 533 وبلىس تۇرعىنى قاتىستى, دەپ حابارلايدى وڭىرلىك ءباسپاسوز قىزمەتى.
«جۇمىلا كوتەرگەن جۇك جەڭىل» دەمەكشى, جالپى سانى 50 مىڭعا تاياۋ ازامات اتسالىسقان سەنبىلىك ناتيجەسىندە 1 526 گەكتار اۋماق تازارتىلىپ, 1 297 توننا قوقىس جينالىپ, ونىڭ 8 تونناسى قايتا وڭدەۋگە جىبەرىلدى. ايماق تازالىعىنا ءوڭىر بويىنشا 260 تەحنيكا جۇمىلدىرىلدى.
سونىمەن قاتار ەلدى مەكەندەر شەگىندە 286 گەكتار جەرگە 13 546 ءتۇپ كوشەت وتىرعىزىلدى.
الماتى وبلىسى