ءداستۇرلى ءدىنىمىز بەن ءدىلىمىز – ۇلت ۇستىنى. يمانى بەرىك, سالتى مىعىم حالىقتىڭ رۋحى بيىك. يسلام وركەن جايعان شاقتان-اق بابالارىمىز اسىل ءدىنىمىزدى ۇلتتىق تانىم-تۇسىنىگىمىزبەن بىتە قايناستىرىپ, حالقىمىزعا ار جولىن ۇعىندىرعان بولاتىن. ياساۋي, ءماشھۇر, اباي, شاكارىم دانالىعى سوزىمىزگە دالەل, پىكىرىمىزگە تۇزدىق.
بۇگىنگى تاڭدا يسلام عىلىمى جان-جاقتى ورىستەپ, وسى باعىتتا بىلىكتى عالىمدارىمىز بوي كورسەتىپ كەلەدى. سولاردىڭ ءبىرى – قازاقستان جۋرناليستەر وداعىنىڭ مۇشەسى نارباي تاعاي ۇلى. جاقىندا عالىمنىڭ «تاقۋالىققا باستار جول», «قۇرانداعى قيامەت پەن قىيالداعى قيامەت» سىندى قوس كىتابى كوزى قاراقتى وقىرمانعا جول تارتتى. اۆتور كىتاپتا يسلام ءدىنىن ۇلتتىق اۋىز ادەبيەتىمىز, ەلدىك تانىم ارقىلى ءتۇسىندىرىپ, ماعىناسىن اشۋعا ۇمتىلادى. ۇلتىمىزدىڭ رۋحاني ساۋلىعى ءۇشىن ءدىني ءبىلىم ءنارى باعالى قۇندىلىق ەكەنى باياندالادى.
– ادامدارعا قايىر جاساۋ دەگەن – ەلگە قايىر جاساعاندىق. بۇل ەلىمىزدىڭ كەمىن تولتىرۋ, ازىن كوبەيتۋ, كۇشىن ارتتىرۋ, جامانىن جاقسارتۋ. بىزگە ەڭ قاجەتى – تىلدەگى ەمەس, جۇرەكتەگى شىنايى يماندىلىق, – دەيدى ول.