استاناداعى سۋ تاپشىلىعى ماسەلەسى قاشان شەشىلەدى؟

«قالانىڭ ءوسۋ قارقىنى, اسىرەسە, سوڭعى 2-3 جىلدا ايتارلىقتاي كۇردەلى بولىپ وتىر. قالا تۇرعىندارىنىڭ سانى, اسىرەسە قۇرىلىس كەزەڭىندە, 1,5 ميلليون ادامعا جەتەدى, 1,3 ميلليونى قالادا رەسمي تىركەلگەن, جىل سايىنعى ءوسىم - 70-80 مىڭ, دەمەك, ينجەنەرلىك ينفراقۇرىلىم دا تۇراقتامايدى», دەپ ءتۇسىندىردى اكىم كاسىپكەرلەرمەن كەزدەسۋدەن كەيىن.

جەڭىس قاسىمبەكتىڭ ايتۋىنشا, ءۇشىنشى سورعى-سۇزگى ستانساسىنىڭ قۇرىلىسى تامىز ايىندا تولىعىمەن اياقتالادى.

ء«بىرىنشى كەزەڭ مامىر ايىنىڭ سوڭى - ماۋسىم ايىنىڭ باسىندا اياقتالادى. ءبىز قالانى قوسىمشا ساعاتىنا شامامەن 100 مىڭ تەكشە مەتر سۋمەن قامتاماسىز ەتەمىز. قازىر تاپشىلىق شامامەن 30 مىڭ تەكشە مەتردى قۇرايدى. سوندىقتان بۇل ستانتسيا بىزگە سۋ تاپشىلىعى ماسەلەسىن شەشۋگە مۇمكىندىك بەرەدى. الداعى بىرنەشە جىلدا ءبىز وسىعان ۇقساس ءتورتىنشى ستانتسيانىڭ قۇرىلىسىن باستاۋدى جوسپارلاپ وتىرمىز», دەدى ول.

ەسكە سالايىق, 28 ناۋرىزدا ەلوردادا سۋ قىسىمى السىرەيتىنى تۋرالى بەلگىلى بولدى. استانالىقتارعا سۋدى ۇتىمدى پايدالانۋ ۇسىنىلدى. «استانا سۋ ارناسى» ءباسپاسوز قىزمەتى تۇسىندىرگەندەي, قالا تۇرعىندارىنىڭ ءوسۋى مەن ەلوردانىڭ قارقىندى دامۋىنا بايلانىستى اۋىز سۋ وندىرۋگە ارنالعان جوبالىق قۋاتتاردىڭ تاپشىلىعى بايقالادى.