الماتى ۆوكزالدارى «قازاقستان تەمىر جولى» ۇلتتىق كومپانياسىنىڭ مەنشىگىنە قايتارىلادى. مۇنداي شەشىمدى قالا اكىمى ەربولات دوساەۆ ءمالىم ەتتى, دەپ حابارلايدى Egemen.kz.
ءتيىستى ساۋالدى تۇركسىب اۋدانى تۇرعىندارىنىڭ ءبىرى قويدى. الماتى اكىمى بۇل ماسەلە سوڭعى ساتىدا دەپ جاۋاپ بەردى.
«مەن ەكى ۆوكزالدى دا قتج-عا قايتارۋ تۋرالى شەشىم قابىلدادىم. ءبىر كەزدەرى ولاردى ءبىر سەبەپتەرمەن الىپ كەتكەن ەدى. بۇل ينفراقۇرىلىمنىڭ ءبىر بولىگى. قاجەتتى قاراجاتتى سالۋ قاجەت», دەدى ەربولات دوساەۆ.
ونىڭ ايتۋىنشا, ەكى ۆوكزال وتە ماڭىزدى كولىك ينفراقۇرىلىمى جۇيەسىنە جاتادى. سوندىقتان الماتى-1 ستانساسى ماڭىنداعى اۋماقتى رەتكە كەلتىرۋ ماڭىزدى.
«ول جەردە اۆتوتۇراق رەتىندە پايدالانۋعا بولاتىن جەكە اۋماق بار. مەن جەر قاتىناستارى بولىمىنە ونى قاراۋدى تاپسىردىم. مۇمكىن ءبىز بۇل اۋماقتى كوپتەگەن كولىكتەردەن بوساتۋ ءۇشىن كوپ دەڭگەيلى اۆتوتۇراقتار سالا الامىز», دەدى ول.