ەلباسى نۇرسۇلتان نازارباەۆ سىرتقى ىستەر ءمينيسترى ەرلان ىدىرىسوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
ە.ىدىرىسوۆ مەملەكەت باسشىسىنا سىرتقى ساياسات ۆەدومستۆوسىنىڭ 2014 جىلعى ءبىرىنشى جارتىجىلدىقتاعى جۇمىسىنىڭ نەگىزگى قورىتىندىلارى تۋرالى بايانداپ, جوعارى دەڭگەيدە قول جەتكىزىلگەن ۋاعدالاستىقتاردى جۇزەگە اسىرۋ جۇمىستارى تۋرالى ايتتى.
نۇرسۇلتان نازارباەۆ قازاقستان ديپلوماتتارىن كەلە جاتقان كاسىبي مەرەكەلەرى – ديپلوماتيالىق قىزمەت كۇنىمەن قۇتتىقتاپ, ولاردىڭ مەملەكەت ءمۇددەسىن ىلگەرىلەتۋدە, ازاماتتارىمىزدى قورعاۋدا جانە شەتەلدەرمەن بايلانىستار ورناتۋدا ماڭىزدى جۇمىس اتقاراتىنىن اتاپ ءوتتى. قازاقستان پرەزيدەنتى سىرتقى ساياسي قىزمەت باعدارلاماسىن ءتيىمدى جۇزەگە اسىرۋدى ەكىنشى جارتىجىلدىقتا جالعاستىرۋ كەرەكتىگىنە دە توقتالدى.
سىرتقى ىستەر ءمينيسترى قازاقستان پرەزيدەنتىنە ەۋرازيالىق ەكونوميكالىق وداق تۋرالى شارتتىڭ كۇشىنە ەنۋىن قامتاماسىز ەتۋ جۇمىستارى تۋرالى اڭگىمەلەدى.
سونىمەن قاتار, ە.ىدىرىسوۆ بۇۇ قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەسىنىڭ ورنىنا ۇسىنىلاتىن قازاقستاننىڭ كانديداتۋراسىن ىلگەرىلەتۋ جۇمىستارى, سونداي-اق, وزگە دە سىرتقى ساياسي باسىمدىقتاردى جۇزەگە اسىرۋ تۋرالى باياندادى.
كەزدەسۋ قورىتىندىسى بويىنشا مەملەكەت باسشىسى مينيسترلىك جۇمىسىنىڭ نەگىزگى باعىتتارىنا قاتىستى بىرقاتار ناقتى تاپسىرمالار بەردى.