شاحماتتان ەكى دۇركىن چەمپيون, ءبيبىسارا اساۋباەۆا نيۋ-دەليدە وتكەن بەدەلدى گران-پري جارىسىن ءساتتى باستادى, دەپ حابارلايدى Egemen.kz.
بۇل جارىستاردىڭ ءبىرىنشى اينالىمىندا قازاقستاندىق شاحماتشى جەرگىلىكتى سپورتشى رامەشبابا ۆايشاليدەن باسىم ءتۇسىپ, 1 ۇپاي جيناپ, گران-پري كوشباسشىلارىنىڭ تىزىمىنە ەندى.
ايتا كەتەيىك, بۇل جارىستار ۇيىمداستىرۋشىلاردىڭ تۇسىنبەۋشىلىگى مەن قاتەلىگىنەن جوسپارلانعان كەستەدەن ءبىر كۇنگە كەش باستالدى. وسىعان بايلانىستى ەكى قاتىسۋشى تۋرنيرگە قاتىسۋدان باس تارتتى: جانسايا ابدىمالىك (قازاقستان) جانە ەليزابەت پەتتس (گەرمانيا).
نيۋ-دەليدەگى تۋرنيرگە وسى ساعاتقا جوسپارلانعان 12 شاحماتشىنىڭ ورنىنا 10 قىز قاتىسىپ جاتىر. شارانى ۇيىمداستىرۋشىلار گران-ءپريدىڭ 3-كەزەڭىنىڭ كەستەسىن شۇعىل وزگەرتتى. ءبيبىسارا اسساۋباەۆا ەكىنشى راۋندتا ويىنعا شىعىپ, جارىس يەسىن جەڭدى. 28 ناۋرىزدا قازاقستان شاحماتشىسى گرۋزيندىك نينو باتسياشۆيليمەن وينايدى.