اقجايىقتاعى سپورت مەرەكەسى

بىرلىك پەن تاتۋلىقتىڭ بەلگىسىندەي بولىپ ءوتتى ورال وڭىرىندە قالىڭ كوپشى­لىك­تىڭ قولداۋىنا يە بولىپ, ءداستۇرلى شاراعا اينالعان سايىستىڭ ءبىرى – حالىقتىق سپورت ويىندارى. گازە­تى­مىزدە بۇعان دەيىن حابارلان­عا­نىن­داي, “اقجايىق” فۋتبول كو­مان­داسى ستاديونىندا ءىV حالىق­تىق سپورت ويىندارى سالتاناتتى جاعدايدا اشىلدى. وعان باتىس قا­زاقستان وبلىسى اكىمىنىڭ ورىن­با­سا­رى سەرىك سۇلەيمەن, باتىس قا­زاق­ستان وبلىسىنىڭ تۋريزم, دەنە شىنىقتىرۋ جانە سپورت باس­قار­ماسىنىڭ باستىعى ءمۇسىلىم وڭدا­عانوۆ قاتىستى. بۇل كۇنى ستاديون حالىققا لىق تولدى. ءار اۋداننان ءوز كومانداسىنا جان­كۇيەر بولا كەل­گەن جۇرتشىلىقتا ەسەپ بول­ما­دى. ناعىز سپورت مە­رە­كەسى وسىن­داي-اق بولار! قا­زاقستان ازامات­تىق اليانسىنىڭ “بىرلىگىمىز جا­راس­قان!” اكتسياسى اياسىنداعى شارا وتە جوعارى دەڭگەيدە ۇيىم­داس­تى­رىلعان. ءار اۋداننان كەلگەن كو­ماندالار وزدەرى تىكتىرگەن كيىم ۇلگى­لەرىن كيىپ شىققاندا, كىشىگىرىم وليمپياداعا قاتىسىپ وتىرعانداي اسەر الدىق. قازاقستان رەسپۋبليكاسىنىڭ پرەزيدەنتى ءجۇل­دەسى ءۇشىن وتەتىن رەسپۋب­لي­كا­لىق حالىقتىق سپورت ويىندارى بيىل شىلدە ايىندا ورال قالا­سىن­دا جالاۋىن كوتەرەدى. ورالدىقتار وسى جە­تىستىككە سپورت­تاعى تابىستارى ار­قىلى قول جەتكىزدى. سپورت — دەنساۋلىق كەپىلى. سپورت  ادامدى كۇشتىلىككە, ەپتى­لىك­كە, سونىمەن قاتار باۋىر­مال­دىق پەن ىزگىلىككە تاربيەلەيدى. سپورت  بىرلىكتى نىعايتادى, ورتاق ماقسات پەن مۇددەگە جۇمىلدىرادى. ال “بىرلىك بار جەردە تىرلىك بار” ەكەنى بەلگىلى. — اقجايىق ءوڭىرىن مەكەندەگەن ۇلت پەن ۇلىستاردىڭ بىرلىگى, تاتۋلىعى وسىنداي يگى شارالاردا توپتاسۋ ارقىلى نىعايا تۇسەدى. سوندىقتان مۇنداي سپورتتىق مەرەكەنىڭ ماڭىزى زور. جىل وتكەن سايىن حالىقتىق سپورت ويىندارى داستۇرگە اينالىپ, سپورتشىلار­دىڭ قاتارىن كوبەيتە باستادى. بۇل ءبىزدىڭ سالاماتتى ءومىر سالتىن ۇستا­نا باستاعانىمىزدى كورسەتەدى. دەنى ساۋ حالىق قانا الەمدە ءار­تۇرلى سالا بويىنشا باسەكەگە تۇسە الادى. دەنى ساۋ حالىقتىڭ عانا بو­لاشاعى جارقىن, – دەدى سەرىك كەنجەبەك ۇلى. بۇدان سوڭ ۇيىمداستىرۋ كومي­تەتى اتىنان بارلىق جارىسقا قا­تى­سۋشىلارعا كادەسىي تابىس ەتىلدى. سالتاناتتى شارا سوڭى وبلىستىق حالىق شىعارماشىلىعى ورتالىعى دايىنداعان كونتسەرتتىك باعدارلا­ما­عا ۇلاستى. مەرەكەلىك وتشاشۋ دا شارانىڭ سالتاناتىن اسىرا ءتۇستى. تەمىر قۇسايىن. باتىس قازاقستان وبلىسى.