سايلاۋ – ەلدى جاڭعىرتۋ جولىنداعى باستامالاردىڭ ءبىرى. ال سايلانۋشىلار زيالى تۇلعا, بىلىكتى زاڭگەر, ءبىلىمدى ازامات بولۋعا ءتيىس. سايلاۋ ناۋقانىندا داۋىس بەرۋىمنىڭ ماقساتى – ماجىلىسكە جانە جەرگىلىكتى ماسليحاتتارعا حالىققا جانى اشيتىن ءبىلىمدى تۇلعالاردى تاڭداۋ.
ەلىمىزدى جاڭارتۋ, ادىلەتتى قازاقستان قۇرۋ, ءادىل قوعام ورناتۋ – وڭاي شارۋا ەمەس. ونىڭ ءبىر باسى ارينە, زاڭدارعا كەلىپ تىرەلەدى. سوندىقتان پارلامەنتتە وتىراتىن ەرتەڭگى زاڭ قابىلداۋشى تۇلعالار جان-جاقتى ءبىلىمدى, زيالى جانە ەلىنە, جەرىنە, حالقىنا جانى اشيتىن ادام بولۋى كەرەك. ءبىز سايلاۋدا پارلامەنتكە ءدال وسىنداي تۇلعالاردى, ەلدىڭ مۇڭ-مۇقتاجىن كورە بىلەتىن, ايتا بىلەتىن جانە زاڭ جۇزىندە ىسكە اسىرا الاتىن ادامداردى تاڭداۋ ءۇشىن ءوز داۋسىمىزدى بەردىك. سايلاۋ ۋچاسكەسىنە كەلگەندەگى ويىم وسىنداي بولدى.
ۇلىقبەك ەسداۋلەت,
جازۋشىلار وداعىنىڭ توراعاسى